Sâm 27
27
Nshwam-Akpee
1Óburúkpâbí nké mu mě kiinwángé ne Onet-Onyii ejí.
Me mm*ba/chi n-shî onet nang obónge*.
Óburúkpâbí mu o-ku ng mě ké kángkáng afaníkong.
Me mm*ba/chi n-shî*.
2Byibî-banet ba/chi ba-kpán ba-myii
ké nkéré baa/rim bunwa ne me ba/fu, mbé ba-ju ng mě.
3Me mm*ba/chi n-shî*
nang bannwa byití chwóó nké ba/wâng mě*.
[Me mm*ba/chi n-né Osówo*]
nang banet-bushwôn ejí ba-rim bunwa ne me*.
4Me mm/bí Óburúkpâbí chwǒm kyibónge.
Chwǒm kyibónge nké nke me mu n-ryuu ng.
Me mu n-ryuu ng n/fu, nkyú ké kyise ńkyí Óburúkpâbí kángkáng dyikpen ejí,
n-kûri kanong emen.
N-kûkoo bacê ne nyǐ ké kiǐtí-kyise-kyifen emen echi.
5Ké nǎ, nyǐ o/chi o-rôo mě ké kyise emen
ké nkéré mú afaníkong.
Nyǐ o/chi o-rôo mě ké kiǐtí-kyise-kyifen emen echi
o-tî mě to kanong kanong ké buká ḿbú nyáám.
6Ké bubwô ámbu, me n/chi m-kpógê banet-bushwôn ejí ḿbé ba/wâng mě.
Me n/chi n-chi byifen ké kiǐtí-kyise-kyifen emen echi ne bunyîn-dyityém.
Me n/chi n-kwán ekwan m-kpee Óburúkpâbí.
7Óburúkpâbí, jwo mě ké nkéré n-kú n-kó ng ǒ.
Ri mě bafip, a-faa mě ojá.
8Óburúkpâbí, wo a/fu, me mbâ m-ba-kye ǒ ofê.
Óburúkpâbí, me mu m-bâ.
9*Da mě erem byiko eyên*.
*Dasa kafâ ne me*.
*Da mě eró* me mú ḿgbán eyên.
Wo nké amu mě Onet-Ochwâp.
Osówo, Onet-Onyii ejí, *da mě eró a-twóp*.
*Da mě emîng*.
10Bonchí ejí ne boné ejí ba-man n mě emîng,
nké Óburúkpâbí o/chi o-nen mě.
11Óburúkpâbí, tángê mě ńkyí wo amu a-ryuu ng a/fu, me nchi,
a-sí mě ké kiǐfáng ńkyí kyinong,
ké nǎ, me mu ne banet-bushwôn chwóó.
12*Da mě emîng ne banet-bushwôn ejí*
ḿbé mbe ba-kúng ng byisédéng ne achi epii
ba-rim bunwa ne me*.
13Ké ntûntû, me n/chi m-kpen n-ri kanong ńké Óburúkpâbí ké ejíí ńnyín.
14Tî dyityém ké Óburúkpâbí.
Fé dyityém ké nyǐ.
Bwom shwaneshwane.
Tî dyityém ké Óburúkpâbí.
Currently Selected:
Sâm 27: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
