Sâm 26
26
Nshwam mú Onet mú Onong
1Ô Óburúkpâbí, sét a/fu, me n*da/chi kyibî*
ké ebóng, me mu n-chi i ńkyí nkyi kanong,
ne me n/tî dyityém ké wo kanong kanong.
2Óburúkpâbí, pet mě a-kan mě.
Pan okabe ejí ne byěm ejí eryuu mpan.
3Kyijé eyên ńkyí kii*man* nké nkyi Onet-Obâm ejí.
[Ocím eyên etî nké mu o-tông ng mě kiǐfáng kángkáng nkéré.]
4Me n*fí n-cen n ne banet ḿbé ba*da/byí chwǒm*.
Me n*fí ne chwǒm kyi-kim ne bannîm banet*.
5Bucen ne byibî-banet boo*nyîn mě*.
Mu n-ciring ng bambên atyém.
6Óburúkpâbí, me mu n-soo ng abwô ejí eringe
nyí ndatông n/fu, me n*da/chi kyibî*
ne n-cen n ké kyikit ńkyí badachi kyifen eyên
n-kyâ ǒ ofê n-wáp ng.
7Me mu n-kwán n okwan-asǎma ekó
n-sét ng ǒ kángkáng biǐtí-byěm eyên ḿbyí amu a-chi i.
8Ô Óburúkpâbí, kyise eyên ńkyí amu a-kyú u
ńkyí nkyi ne busan eyên ḿbú ragerage nkyi kyi-nyîn n mě.
9*Da mě eju cibicibi ne banet-byibî*.
*Da mě ekoo dyikpen ké bukyû ḿbú banju banet*
10ḿbú banet ḿbé mbe ba-chi i byibî kángkáng nkéré*
ne baa/kpá byiko kángkáng ḿbyí badakoo ngu*.
11Nké kyi-kim ne me, me mu n-chi i ńkyí nkyi kanong.
Ri mě bafip, a-nyii mě.
12Wo a/chi mě n-fem ké kángkáng efene.
Me mu n-kyâ Óburúkpâbí akpee ké ncibi mú banet emen.
Currently Selected:
Sâm 26: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
