Sâm 24
24
Otu mú o/rêe o-shwôm
1Ejíí ne kángkáng banet
ne kángkáng byěm ḿbyí mbyi ké nyǐ byi/já Óburúkpâbí.
2Ké ebóng, Óburúkpâbí nké o/bi kányí ké baya
o-sím kyikû-ejíí o-fé ké baya.
3Yeě mú ba/kye ǎ busa ḿbú odayú kaku ńké Óburúkpâbí.
Yeě mú ba/bángê ǎ ba/fu, onung ké kiǐtí-kyise-kyifen-Osówo echi.
4Onet mú mu kpárám ké édúú ne ké dyityém,
ne o*fí [o-fâ erím-bakye*]
o-ryí nang ocím mú o*fí ké kafâ*.
5Óburúkpâbí o/chi o-jware dyizong-onet ándyi.
Osówo, Onet-Onyii emen o/chi o-fu ǎ, o*da/chi kyibî*.
6Azong-banet ámbe nké badakyé kyikit ńkyí Osówo mu.
Mbé nké badaryuu eri Osówo mú Jekôp.
7Bâa n̂g afyi gbúúl.
Bâa n̂g afyi nyí karé,
ne Otu mú o/rêe o-shwôm o/chi o-bâ ké kafâ.
8Yeě mu Otu mún mú o/rêe o-shwôm.
Óburúkpâbí nké mu Otu mú mu kiǐtí ne busa.
Óburúkpâbí mú mu o-kpógê ng byití.
9Bâa n̂g afyi gbúúl.
Bâa n̂g afyi nyí karé,
ne Otu mú o/rêe o-shwôm o/chi o-bâ ké kafâ.
10Yeě mu Otu mún mú o/rêe o-shwôm.
Óburúkpâbí mú o/rêe o-shwôm nké mu Otu mú o/rêe o-shwôm.
Currently Selected:
Sâm 24: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
