Sâm 23
23
Óburúkpâbí mú mu Onet-Obâm Eten
1Óburúkpâbí mu o-bám m mě wǎ mbâm ebû.
Chwǒm kyi*da mě ekaa*.
2Óburúkpâbí mu o-bángê e mě n-jáng ké biǐbyâa ḿbyí byinong,
ne mu o-sí ng mě n-ribi ké buce ḿbú degere.
3Óburúkpâbí mu o-kyâ mě busa ḿbú bufyîfî.
Nyǐ mu o-tông ng mě kiǐfáng ńkyí ntûntû
wǎ eringe nyí nyǐ o/ryí ocím.
4Nang kiǐfáng ánkyi kyi-ribi ké kiigbimaa-kyifip, ǎ Óburúkpâbí,
me mm*ba/chi n-shî*
ké nǎ, wo amu mě fáráng.
Kiǐré ne ochí eyên wǎ mbâm ebû mbyi byi-bám m mě.
5Wo a-chi i mě dyijî ké bushú-banet-bushwôn ejí.
Wo a-koo ng mě kanong ké bakút-kyinung ḿbé a/róngê mě ké dyishí,
ne ké nkôp mú a/fé mě o-sú pwat.
6Ké ntûntû, kanong eyên ne kyijé eyên byi-waa ng ne me tete m-kpú.
Ne n-kyú u ké kyise eyên ké dyikpen ejí kángkáng.
Currently Selected:
Sâm 23: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
