Sâm 21
21
Otu o/kpee Osówo ké Byití ekpógê
1Ô Óburúkpâbí, otu mu ké bunyîn-dyityém,
ké nǎ, wo a/kye ǎ busa.
Nyǐ mu o-jêe ng, ké nǎ, wo a/chi ǎ o-kpógê.
2Wo aa/kye ǎ ńkyí dyityém emen ndyi dyi-ryuu ng.
Wo aa/bángê ké ńkyí nyǐ o/bí.
3Wo a/bê a-kâm ǎ ne banjware ḿbé biǐtí,
ne a/cít ǎ etam-butu ké dyishí nyí ba/chi ké gûl.
4Nyǐ mu o-ryuu ng dyikpen,
ne wo a/kye ǎ kándyí.
Wo a/kye ǎ ńdyí dyitang ne ńdyí dyidarí.
5Akpee emen a/rêe ké bubwô-ochwâp eyên.
Wo aa/kye ǎ busa a-chi ǎ o-byí dyizîn.
6Banjware eyên mbe ne nyǐ ne banyá,
ne bushú eyên boo/sú ǎ ne bunyîn-dyityém.
7Otu mu o-tî ng dyityém ké Óburúkpâbí mú o/rêe o-shwôm.
Ké bubwô ḿbú kyijé ńkyí Óburúkpâbí ńkyí kii*man*
chwǒm kyi*fí ńkyí kyi/chi kyi-náng ǎ nang nkéré orá.
8Otu o/chi o-kám kángkáng banet-bushwôn emen.
O/chi o-kám nang yeě mú nyǐ mu o-sa ng ǎ kafâ.
9Nyǐ o/chi o-man ne mbé wǎ okwâ mú mu o-mang ng ké nkéré nyǐ oo/ribi.
Óburúkpâbí o/chi o-myii kámbé ké kafâ esa emen,
ne okwâ o/chi o-ryí kámbé.
10Wǎn ebe nang obónge oo*ba/chi o-kpen*.
[Otu] o/chi o-ju kámbé kángkáng.
11Mbé mbe ba-kabe ng ekabe kyi-kim ne nyǐ,
ba-nam ǎ dyiju.
Nké mbé baa*ba/chi ba-ri bukwóp*.
12Nyǐ o/chi o-ché kámbé abán emen,
ne mbé ba/chi ba-pín esim ba-ribi ne ochéé.
13Óburúkpâbí, be byimu byi-kpee ng ǒ ké kiǐtí-busa eyên.
Be byi/chi byi-kwán ekwan byi-kpee busa eyên.
Currently Selected:
Sâm 21: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
