Sâm 20
20
Nshwam-Byití ekpógê
1Kyi/bát Óburúkpâbí ofaa ǒ ojá ké nkéré amu ké afaníkong.
Kyi/bát Osówo mú Jekôp oku ǒ.
2Kyi/bát otwóm ǒ ochwâp mú mu o-fím m ké kiǐtí-kyise-kyifen emen echi,
o-kye ǒ ochwâp mú mu o-fím m ké kaku ńké Záyon.
3Kyi/bát okoo kángkáng eyáré eyên,
ne dyityém dyinyîn ǎ ne kángkáng byifen eyên.
4Kyi/bát okye ǒ ńkyí amu a-ryuu ng,
ne ochi kángkáng ekabe eyên e-ca kashú.
5Be kâng byi/chi byi-jêe ne ejá kyíbóng kyíbóng kyi-kim ne byití eyên ḿbyí a/kpógê,
ne byi-tông ekap-bunyîn-dyityém ké byití eyên ekpógê
ké akpee byi-kye Osówo eten.
Kyi/bát Óburúkpâbí ofaa ǒ ojá ké kángkáng ḿbyí amu a-bí ng.
6Kántîk, me mu n-nyît ng n/fu,
Óburúkpâbí mu o-chi i otu emen mú nyǐ o/cá o-kpógê.
Nyǐ mu o-faa ng ǎ ojá kyi-fím ké bubóng emen ḿbú ociring,
ne ké busa emen mu o-chi i ǎ o-kpógê byití ḿbyí byiryên.
7Banet bakíri ba/tî dyityém ké bamútu-byití ebe,
ne bakíri ba/tî dyityém ké bubyî-orá ebe.
Nké be byi/tî dyityém ké busa ḿbú Osówo Óburúkpâbí eten.
8Azong-banet ányi ba/chi ba-kpán ba-myii,
nké be byi/chi byi-bûu byi-bwom shwaneshwane.
9Ô Óburúkpâbí, chi otu eyên o-kpógê,
[a-faa] bě ojá ké nkéré bii/kó ǒ.
Currently Selected:
Sâm 20: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
