Sâm 16
16
Nshwam-Obánge
1Osówo, ku mě, ké nǎ,
me m/bê n-kâm ǒ n/fu, nyii mě.
2Me n/sét Óburúkpâbí n/fu,
wo a-chi i Otu Kyítá ejí.
Kángkáng byěm ḿbyí byinong ḿbyí me mu ne mbyí byi/fím ké abwô eyên.
[ 3Kanong ńké banet ḿbé ba/fé dyityém ké Óburúkpâbí mbe ne nké kaa*nwa eri*.]
Kángkáng bunyîn-dyityém ejí mbu ké okyû ne mbé.
[ 4Banet ḿbé mbe ba-zóngê e ba-kâm m esówo ekíri
mbe ba-tut ng afaníkong chwóó ba-kyâ byiko ebe.]
Me mm*ba/chi n-kyú ne abwô ké byifen ebe ḿbyí mbe ba-chi i*.
Me mm*ba/chi n-kye esówo ebe ofê*.
5Óburúkpâbí, me n*fí ne onet okíri kyi-cibi ne wo kǎnchí*
ne wo amu a-kyâ mě kángkáng byěm ḿbyí mu n-ryuu ng.
Dyikpen ejí ndyi ké abwô eyên.
6Eyáré eyên nyí amu a-kyâ ee*nwa eri*.
Nang ké e/nwa.
7Me mu n-kyâ Óburúkpâbí akpee,
ké nǎ, nyǐ nké mu o-kyâ mě bacê,
ne dyityém ejí dyi-kpet mě ekuri ekó ne buchú.
8Ké nǎ, Óburúkpâbí mu mě fáráng kángkáng nkéré
ne mu mě ké kyicê-bubwô-etyebéng ejí,
me nn*róng*.
9Ké bubwô ámbu, dyityém ejí dyi-jêe ng,
ne busun ejí bu-kyú u ké bunyîn-dyityém,
byiko ejí to byi-bwom m shwanshwan.
10Ké nǎ, wo, ǎ Óburúkpâbí,
aa*ba/chi a-bángê mě n-jâ ké oshê-bakúsí*.
Wo, ǎ Óburúkpâbí,
aa*ba/chi a-bángê onet-kyijé eyên o-ri bukyû*.
11Wo, ǎ Óburúkpâbí,
a/chi a-tông mě kiǐfáng ńkyí ndaribi ké dyikpen.
Kakyúng eyên fáráng ne me kaa/sú mě ne kiǐtí-ojêe.
Ne ochwâp eyên mu o-kyâ bunyîn-dyityém ḿbú ne banyá.
Currently Selected:
Sâm 16: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
