Sâm 15
15
Ofê mú Óburúkpâbí mu o-ryuu ng
1Óburúkpâbí, yeě odaman enung ké kiǐtí-kyise-kyifen eyên echi.
Yeě oda ǒ eman ekye ofê ké Záyon, kaku eyên ńké ociring.
2Onet mú mu o-chi i kángkáng byěm ḿbyí Osówo o/sét,
mú kángkáng nkéré mu o-chi i ńkyí nkyi kanong,
mú ejá emen e/fím ké dyityém ńdyí ntûntû,
3mú oo*bên barî-banet dyizîn*
mú oo*chi bacín emen kyibî*
ne oo*ram barî-banet o-câ*
4mu o-ciring ng banet ḿbé Óburúkpâbí o/né,
nké o-fâ banet ḿbé mbe ba-chi i ńkyí Óburúkpâbí o/sét,
mu o-chi i ńkyí nyǐ o/ryí ocím,
nang kyi-bwa kyi-sóng ǎ nǎ,
5mu o-pwoo ng banet akpuga, oo*bí mpún*
ne oo*koo ngu* eringe nyí odasét kyibî o-bât onet mú o*da/chi kyibî*.
Onet mú mu o-chi i byěm ḿbyín oo*róng*.
Currently Selected:
Sâm 15: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
