Sâm 14
14
Byibî ḿbyí Banet
(Sâm 53)
1Enyam-banet e-raa ng ké atyém ebe e/fu,
Osówo o*fí nyín*.
Azong-banet ámbe kángkáng baa/bên byiko ebe.
Mbé baa/chi byibî-byěm ḿbyí bii*nwa eri*.
Onet o*fí nang obónge ké burwám ebe mú mu o-chi i kanong*.
2Óburúkpâbí mu áku kyíbóng o-bírî ng achi o-tún n banet kyísí.
O/fu, nyǐ o-ri ng â onet mu nang obónge mú mu ne bubong,
mú mu o-fâ ǎ.
3Nké kángkáng banet baa/bírî Osówo esim.
Mbé ashí amúmú baa/bên byiko ebe.
Onet o*fí nang obónge ké burwám ebe mú mu o-chi i kanong*.
Nang obónge o*fí*.
4Óburúkpâbí mu o-raa ng o/fu,
banchi byibî ḿbén kángkáng baa*nyît chwǒm*.
Bubong bu*fí kámbé*.
Mbé mbe ba-kpen n ké banet ejí eju.
Mbé baa*fé nshwam ba-kye mě*.
5Nké mbé bushî bu/chi bu-róng kámbé,
ké nǎ, Osówo mu ne banet ḿbé mbe ba-chi i ńkyí nyǐ o/sét.
6Mbé ba-kúng ng okabe mú onet-kyikpu ké ayâa,
ké nǎ, onet-kyikpu ámu o/fé dyityém emen ké Óburúkpâbí.
7Kyi/bát Óburúkpâbí ofím ne Onet-Onyii ké Záyon o-ba-kye Ézerel.
Ké nkéré Óburúkpâbí [o-chîbwa ne kanong o-kye banet emen,]
banet ḿbé Ézerel ba/chi ba-kyú ké bunyîn-dyityém.
Currently Selected:
Sâm 14: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
