Sâm 147
147
Kye n̂g Osówo mú o/rêe o-shwôm Akpee
1Kye n̂g Óburúkpâbí akpee.
Nkyi kanong ńkyí badakwán ekwan-akpee ba-kye Osówo eten.
Nkyi ne bunyîn ne kyi/nwa ńkyí bada ǎ ekye akpee.
2Óburúkpâbí mu o-bwât ng Jerúsélem.
Nyǐ mu o-bwa ng esim ne banet
ḿbé ba/kám ba-dim ne mbé wǎ básóng.
3Nyǐ mu o-chi i banet ḿbé atyém ebe a*fí a-nyîn n kámbé* ba-nyange,
o-bwá ng byibáp ebe.
4Nyǐ oo/tî ocím mú ékpére edakyú,
ne mu o-kó ng nang orá ké dyizîn.
5Óburúkpâbí eten mu kiǐtí ne o/rêe.
Bubong emen boo*nwa ekan*.
6Nyǐ mu o-bêem m banet ḿbé mbe degere kyíbóng.
Nké mu o-shiryi ng bambên atyém o-fé [kyísí.]
7Kwán n̂ ekwan-akpee ba-kye Óburúkpâbí.
Kim m̂ ane ké dyícîng ba-kye Osówo eten.
8Nyǐ mu o-chi i bubóng bumúmú bu-jîi,
o-kyâ esí omu,
ne mu o-chi i biǐbyâa byi-kán n ké eku.
9Nyǐ mu o-kyâ enyam byiryíng,
ne mu o-nen n bwǎn-bunurung
ké nkéré bu-kú bu-kó ng ǎ.
10Bunyîn-dyityém emen bu*fí ké bubyî-orá ḿbú mbu ne busa*
nang ké basúja ḿbé mbe ba-kán n byití*.
11Nké bunyîn-dyityém mbu ǎ ne banet ḿbé mbe ba-kyâ ǎ ofê
ne ḿbé mbe ba-tî ng dyityém ké kyijé emen ńkyí kii*man*.
12Ô Jerúsélem, kyi Óburúkpâbí akpee.
Ô Záyon, kye Osówo eyên akpee.
13Nyǐ mu o-tî ng ecím-afyi eyên shwanshwan.
Mu o-jware ng banet eyên.
14Nyǐ mu o-tî ng bati-esí enen kanong,
ne mu o-kyâ běn esang-byichí nyí e/nwa e-shwôm e-kwárê běn.
15Nyǐ mu o-nyán n esí,
ne e-chi babap ńkyí nyǐ mu o-sét ng.
16Nyǐ mu o-tát ng abíp wǎ kiǐmbim,
ne mu o-pwó ng kyibû byiryibyiryi wǎ édúkǎndú.
17Nyǐ mu o-chi i abíp a-róng wǎ byirim-aká.
Onet o*fí mú odaman ecíp dyibyi ńdyí nyǐ mu o-chi i*.
18Nyǐ mu o-kyâ busa kâng abíp a-nyange,
o-chi bufú bu-tugi,
omu o-kpet esen.
19Nyǐ mu o-sét ng banet emen byiraa,
o-kyâ Ézerel byije o-sét kámbé ńkyí badachi.
20Nyǐ o*da/chi ne ńkyín o-kye eshê ekíri*.
Ee*nyît byije emen*.
Kye n̂g Óburúkpâbí akpee.
Currently Selected:
Sâm 147: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
