Sâm 141
141
Nshwam-Dyikurúku
1Óburúkpâbí, me mu n-kó ng ǒ n/fu,
chwáp mě kántîk.
Fwôo atông a-jwo mě ké nkéré n-kú n-kó ng ǒ.
2Koo nshwam ejí wǎ burwan.
A-koo abwô ejí nyí n/fút wǎ kyifen-dyikurúku.
3Óburúkpâbí, tî onet-obâm ké byibî-ocím ejí.
4*Da mě emîng n-kûkabe byibî-byěm*
n-cibi to ne byibî-banet ké dyityém ebe ebên*.
Kyi/bát n*dachi n-kyú ne mpât ké ajî ebe*.
[ 5Onet mú onong o-man n mě ekye busông
o-raa ne me ké dyityém ecángê,
nké me mm*ba/chi n-koo ofê mú mu o-fím m ne byibî-banet*
ké nǎ, kángkáng nkéré,
me mu n-fâ nshwam n-né ng byibî-byěm ebe.
6Ké nkéré baa/twóp banet-ashí ebe ké kiǐmbém ńkyí aká áka,
banet ba/chi ba-nyît ba/fu,
ejá ejí nyi ntûntû.
7Wǎ ekwón nyí baa/ját kányí boǒcê boǒcê,
éné to nké ba/chi ba-pwó byikúú ebe byiryibyiryi ké ocím-dyikun.]
8Nké Osówo Óburúkpâbí ejí,
me mu n-tî ng dyityém ké wo.
Me mu n-kyé ng onyii eyên.
*Da mě emîng m-kpú*.
9Nyii mě ké boǒtám ḿbú baa/kuu ba-tî mě
ne ké boǒtám ḿbú banet-byibî ámbe.
10Kyi/bát bambên atyém baróng ké boǒtám ebe mbé bayén,
me n-fem.
Currently Selected:
Sâm 141: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
