Sâm 13
13
Nshwam-Ochwâp
1Óburúkpâbí, wo a-ráp ng mě ka-chîrí nǎ.
A-ráp ng mě ne banyá dí.
Wo a-rôo ng mě byiko eyên ka-chîrí nǎ.
2Me n-cíp ng afaníkong ka-rí nǎ.
Bafip ḿbé mbe ba-sú u dyityém ejí buchú ne esû ba-rí nǎ.
Banet-bushwôn ejí ba-kpógê ng mě ka-rí nǎ.
3Ô Osówo Óburúkpâbí ejí,
bírî a-tún mě a-faa mě ojá.
Bwa ne busa ejí a-kye mě.
*Da mě emîng m-kpú*.
4*Damîng banet-bushwôn ejí ba-raa ba/fu,
be bii/kpógê ǎ*.
*Da mě emîng n-róng eringe nyí mbé badajêe*.
5Me n/jêem esim ké kyijé eyên ńkyí kii*man*.
Me n/chi n-jêe,
ké nǎ, wo a/chi a-nyii mě.
6Ô Óburúkpâbí, me n/chi n-kwán ekwan n-kye ǒ,
ké nǎ, wo amu kanong ne me.
Currently Selected:
Sâm 13: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
