Sâm 138
138
Nshwam-Asǎma ekó
1Óburúkpâbí, me mu n-kó ng ǒ asǎma ne dyityém ejí kángkáng.
Me mu n-kwán n ekwan-akpee n-kye ǒ
ké bushú-barím eyên ḿbé banong.
2Me mu m-bírî ng kashú ké kiǐtí-kyise-kyifen eyên echi ńkyí ociring,
n-tíngê kyísí m-kpee dyizîn eyên
ké bubwô-kyijé eyên ńkyí kii*man*
ne ké byěm ḿbyí a/chi ḿbyí a/mû a/ryí ocím,
ké nǎ, wo aa/tông a/fu,
[dyizîn eyên ne byije eyên byi/rêe byi-shwôm.]
3Wo a/faa mě ojá ké nkéré n/kó ǒ.
Wo a/chi mě n-shwane ké busa eyên.
4Óburúkpâbí, batu kángkáng ḿbé ké ejíí ba/chi ba-kpee ǒ,
ké nǎ, mbé baa/jwo ocím eyên mú a/ryí.
5Mbé ba/chi ba-kwán ekwan kyi-kim ne ńkyí wo aa/chi
ne kyi-kim to ne akpee eyên nyí kiǐtí.
6Nang ké wo amu éné kyíbóng nyáám,
wo amu a-kyâ ḿbé mbe kyísí kyísí ofê,
ne bantông byiko baa*man ǒ echêe ba-rem*.
7Wo a*fí a-bángê e chwǒm kyi-ta mě*
ké nkéré afaníkong aa/wâng mě.
Wo amu a-bwom m bunwa ne banet-bushwôn ejí
ḿbé me mu n-sa ng kámbé kafâ,
a-nyii mě ké busa eyên.
8Wo a-chi i kángkáng byěm ḿbyí wo aa/ryí ocím.
Óburúkpâbí, kyijé eyên nkyi ne banyá.
Man ne bǎmkpóngé eyên ḿbé aa/kpet kyikû.
Currently Selected:
Sâm 138: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
