Sâm 137
137
Bukyû ḿbú Banet-Ézerel ba/tii ké Nkéré ba/ró Kámbé ké Oshê Ebe
1Be byi/kyú me ké bakô-buce ḿbú Bábyílon.
Ányi nké be byi/tii ké nkéré byi/zîim Záyon.
2Be byi/kpong ácîng eten kyíbóng-byichí
ḿbyí mbyi ányi fáráng.
3Banet ḿbé ba/kám bě ba/sét bě ba/fu,
be byikwán ekwan.
Mbé ba/sét bě ba/fu,
be byitî kámbé ké bunyîn-dyityém.
Ba/raa ba/fu,
kwán n̂ bě okwan kyi-kim ne Záyon.
4Be byi-cen n nǎ ne byi-kwán okwan byi-kye Óburúkpâbí
ké oshê mú o*fí mú eten*.
5Jerúsélem, kyi/bát me n*dachîman ekim dyícîng*
â me n/ráp ǒ*.
6Kyi/bát me n*dachîman ekwán ekwan*
â me n*fí n-zîim m ǒ*
ne â me n*fí to n-kabe ng kyi-kim ne wo wǎ bunyîn-dyityém ejí ḿbú kiǐtí*.
7Óburúkpâbí, zîim ńkyí banet-Édom ba/chi
ké dyicí ńdyí ba/kám Jerúsélem.
Zîim eringe nyí mbé ba/mû ba-raa ng ba/fu,
bú n̂g kámú ba-pwó kyísí.
8Bábyílon, [ba/chi ba-bên ǒ.]
Bunyîn-dyityém mbu ne onet mú o/chi o-só ǒ ké ḿbyí aa/chi bě.
9Bunyîn-dyityém mbu ne onet mú o/chi o-yip bwǎn enen o-sé kámbé ashí ké buká.
Currently Selected:
Sâm 137: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
