Sâm 12
12
Nshwam-Ochwâp
1Óburúkpâbí, chwáp bě.
Onet mú onong o*fí to nang obónge*.
Aa*man to eri onet nang obónge mú mu ne dyityém wááng*.
2Mbé kángkáng ba-sét ng barî byisédéng.
Ba-nîm m barî ne akpee.
3Ô Óburúkpâbí, cít kámbé bubyíbabang-akpee ámbu.
Cít kámbé ecím-byiko etông ányi nyí nyi e-raa ng e/fu,
4be byi-já ng nang ebóng ńkyí byimu byi-ryuu ng ké ejá eten.
Be byi/chi byi-raa nang ebóng ńkyí nkyi kyi-nyîn n bě.
Onet o*fí mú oda bě enye*.
5Óburúkpâbí o/raa o/fu,
nké kántîk me n/chi m-bâ,
ké nǎ, ba-kú ba-cít ng banet-kyikpu,
ne banet ḿbé banet mbe ba-kyâ kámbé busông mbe ba-byâ ké bubân.
Me n/chi n-kye kámbé kyikit-dyirem ńkyí mbé mbe ba-ryuu ng.
6Onet o-man etî dyityém ké ecím nyí Óburúkpâbí o/ryí.
Nyǐ nyi wǎ syílyíba mú ba/fé ké kafâ-okwâ kampén káchâtkányi
ba-chi kámú o-cé kpárám.
7-8Bambên atyém mbe kángkáng byikit,
ne nang yeě mu o-kpee ng ńkyí nkyi kyibî.
Ô Óburúkpâbí, *dabángê kyibî-chwǒm kyi-ta bě nang nkéré orá*.
*Dabángê azong-banet ányi a-ta bě*.
Currently Selected:
Sâm 12: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
