Sâm 129
129
Nshwam o-kim ne Banet-Bushwôn ḿbé Ézerel
1Ézerel, sét bě eringe nyí banet-bushwôn eyên baa/kye ǒ busông
kyi-fím ké nkéré mú a/mû wǎsíng.
2Kyi-fím ké nkéré m/mû wǎsíng,
banet-bushwôn ejí baa/kye mě kyibî-busông,
nké ba*da mě ekpógê ne*.
3Mbé ba/kpet mě biimbâng-byibáp ké esim,
ba-chi kányí e-firi wǎ kyifát ńkyí baa/kpang.
4Nké Óburúkpâbí mú mu o-chi i kanong oo/nyii mě ké búsóng.
5Kyi/bát bakpógê kángkáng banet ḿbé Záyon mu o-sa ng kámbé kafâ, ba-ró kámbé.
6Kyi/bát mbé kángkáng bafiri wǎ biǐbyâa ḿbyí mbyi byi-byí i kyíbóng-byise,
ḿbyí bii*kán ne byi-kpú*.
7Onet o*fí mú odazú kámbyí*
o-bwá nang kámbyí ké akan*.
8Onet o*fí mú mu o-shwôm m o-ta kámbé kyiraa o/fu,
kyi/bát Óburúkpâbí ojware běn*.
Be byimu byi-jware ng běn ké dyizîn ńdyí Óburúkpâbí.
Currently Selected:
Sâm 129: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
