Sâm 128
128
Eyáré nyí Chwǒm echi ńkyí Óburúkpâbí o/sét
1Bunyîn-dyityém mbu ne banet ḿbé mbe ba-chi i ńkyí Óburúkpâbí o/sét,
ḿbé mbe ba-cen n ké akwóp emen.
2Bǎmkpóngé ebe ba/chi ba-kye kámbé ńkyí mbe ba-ryuu ng.
Ba/chi ba-já kanong,
ba-kyú ké bunyîn-dyityém.
3Banyi ebe ba/chi ba-kyú ké byise ebe
wǎ kyichí ńkyí nkyi kyi-zím m byirim.
Bwǎn ebe ba/chi ba-wâng ékpákpúrúk ebe
wǎ esu-byichí nyí enong.
4Ké ntûntû, éné nké Óburúkpâbí o/chi o-jware banet
ḿbé mbe ba-chi i ńkyí nyǐ o/sét.
5Kyi/bát Óburúkpâbí ofím ké Záyon o-ba-jware kámbé.
Kyi/bát bari Jerúsélem ké mu o-câ kashú kanong kángkáng ací nyí dyikpen ebe.
6Kyi/bát bakpen ba-ri bwǎn ḿbé bwǎn ebe.
Bunyîn-dyityém bukyú ne Ézerel.
Currently Selected:
Sâm 128: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
