Sâm 130
130
Nshwam-Ochwâp
1Ô Óburúkpâbí, kyi-fím ké kafâ-dyityém ejí ńdyí nn/ju nké me mu n-kó ng ǒ.
2Ô Óburúkpâbí, jwo bukyû ejí ḿbú mu n-tii ng.
Fwôo atông a-jwo dyikô ejí ńdyí n/fu, chwáp mě.
3Yeě mpan oo*bên ǎ*
â wo a/sáng byibî eten a-tî.
4Nké wo amu a-pwoo ng bě
eringe be byida ǒ eshî.
5Me mu m-bám m ochwâp mú Óburúkpâbí,
ne me n/fé dyityém ké ejá emen.
6Me mu m-bám m n/fu, Óburúkpâbí obâ, n-shwôm,
eringe mbâm buchú mu o-bám m o/fu, dyicí dyicé.
7Ézerel, tî n̂g dyityém ké Óburúkpâbí,
ké nǎ, kyijé emen kii*man*
ne nyǐ kángkáng nkéré mu o-ryuu ng o/fu,
nyǐ o-nyii ng běn.
8Nyǐ o/chi o-nyii banet emen ḿbé Ézerel
ké kángkáng byibî ebe.
Currently Selected:
Sâm 130: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
