Sâm 11
11
Dyityém efé ké Óburúkpâbí
1Me n/fé dyityém ejí ké Óburúkpâbí n/fu, oku mě.
Wo amu enyam kanong kanong mú ada mě esét a/fu,
byí [wǎ kanurung a-dim kyíbóng-eku.]
2Ké nǎ, bambên atyém baa/sep báre ebe
ne baa/tông abán ebe
eringe badaché banet ḿbé banong ké kyifip.
3Chwǒm kyi*fí ńkyí onet mú onong odaman echi*
ké nkéré kángkáng byěm bii/bên*.
4Óburúkpâbí mu ké kafâ-kiǐtí-kyise-kyifen emen echi ńkyí ociring.
Nyǐ mu ne kakyúng-butu emen kyíbóng.
Nyǐ mu o-tún n banet ké kángkáng byikit
ne mu o-nyît ng ńkyí mbé mbe ba-chi i.
5Nyǐ mu o-kpúrî ng banet ḿbé banong ne bambên atyém eringe ebónge.
Nyǐ mu o-sa ng kafâ ne dyityém emen kángkáng kyi-kim ne banet ḿbé baa*tî byije*.
6Nyǐ mu o-pwó ng bambên atyém [amánge-okwâ] ké byiko nyí nyi a-mang ng,
ne aká nyí aa/mang a-bwam shéét.
Nyǐ mu o-kyâ kámbé busông ne bufú ḿbú mbu bu-bán n.
7Óburúkpâbí mu o-chi i kanong,
ne byěm ḿbyí byinong byi-jê ng ǎ.
Banet ḿbé mbe ba-chi i kámbyí ba/chi ba-kyú ké bushú emen.
Currently Selected:
Sâm 11: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
