Sâm 115
115
Osówo mu Obónge mú mu Ntûntû
1Ô Óburúkpâbí, ba-man ba-kye ǒ akpee,
wo kǎnchí nké nke, *chí be*
ké bubwô ḿbú kyijé eyên ńkyí kii*man*
ne ké ḿbú wo amu a-tî ng ocím eyên mú a/ryí ne banyá.
2Ebóng ńkyí banet ḿbé baa*nyît Osówo* mbe ba-bí ng bě ba/fu,
Osówo enen mu nyá.
3Osówo mú eten mu kyíbóng.
Nyǐ mu o-chi i nang ebóng ńkyí mu o-ryuu ng.
4Esówo nyí ebe ba/chi ké syílyíba ne gûl.
Banet nké ba/mee kányí ké abwô ebe.
5Esówo ányi nyi ne ecím, nké ee*man eraa*
nyi ne achi, nké ee*rángê*.
6Nyi ne atông, nké ee*jwo*
nyi ne ezóng, nké ee*man ejwo kyinung*.
7Nyǐ nyi ne abwô, nké ee*man eta chwǒm*
nyi ne byiká, nké ee*man ecen*.
Ojá ee*man efaa*.
[ 8Kyi/bát kángkáng banet ḿbé ba/chi kányí,
ne ḿbé ba/tî atyém ebe ké nyǐ,
bafiri] wǎ erím-bakye nyí mbé ba/chi.
9Ben banet ḿbé Ézerel,
tî n̂g atyém ké Óburúkpâbí.
Nyǐ o-chwáp ng běn ne o-ku ng běn to.
10Ben banchi kyifen-Osówo,
tî n̂g atyém ké Óburúkpâbí.
Nyǐ o-chwáp ng běn ne o-ku ng běn to.
11Ben kángkáng mú bamu ba-fâ Óburúkpâbí,
tî n̂g atyém ké nyǐ.
Nyǐ o-chwáp ng běn ne o-ku ng běn to.
12Óburúkpâbí mu o-zîim m bě,
ne o/chi o-jware bě.
Nyǐ o/chi o-jware banet ḿbé Ézerel
ne kángkáng banchi kyifen-Osówo.
13Nyǐ o/chi o-jware nang yeě mú mu kiǐtí
nang mú o*fí kiǐtí* mú mu o-kyâ ǎ ofê.
14Kyi/bát Óburúkpâbí okye běn ne kyikû-banet enen bwǎn.
15Kyi/bát Óburúkpâbí mú o/chi bubóng ne esí ojware běn.
16Bubóng bu/já Óburúkpâbí kǎnchí,
nké nyǐ o/kye banet esí.
17Bakúsí ne nang yeě mú o/shû o-jâ ké oshê-bakúsí baa*kye Óburúkpâbí akpee*.
18Nké be banet bakpó nké byi/chi byi-kó ǎ asǎma kántîk ne ne banyá.
Kye n̂g Óburúkpâbí akpee.
Currently Selected:
Sâm 115: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
