Sâm 114
114
Okwan-Dyijî-Kyifen ńkyí Shwôm
1Ké nkéré banet ḿbé Ézerel ba/mîng Éjip,
ké nkéré bwǎn-Jekôp ba/mîng oshê ámu mú o*fí mú be*
2banet-Júda ba/firi banet ḿbé banong ḿbé Óburúkpâbí,
banet-Ézerel ba/firi banet ḿbé emen nyǐ oyén.
3Baya ḿbé badakó Rêt ba/kan achi ba-chêe.
Kace ńké Jódan ka/mîng esen.
4Eku nyí e/nyâam e/nyíp e-cim wǎ ebû,
ecím-eku e-pyiryi kyíbóng wǎ bwǎn-ebû.
5Baya, ebóng kyi/chi ne wo a-chêe.
Ne wo, ǎ kace ńké Jódan,
ebóng ńkyí a/mîng esen.
6Ben, ǎ eku nyí e/nyâam,
ebóng ńkyí ben ba/nyíp ba-cim wǎ ebû.
Ben, ǎ ecím-eku,
ebóng ńkyí ben ba/pyiryi kyíbóng wǎ bwǎn-ebû.
7Tím m̂ banê, ǎ ejíí,
ké bushú ḿbú Osówo Óburúkpâbí mú Jekôp,
8mú mu o-yángê e aká a-firi biǐdé-omu,
ne aká nyí shwaneshwane a-firi booce ḿbú budasen.
Currently Selected:
Sâm 114: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
