Sâm 113
113
Kpee n̂g Kanong ńké Óburúkpâb
1Kpee n̂g Óburúkpâbí.
Ben ḿbé bamu bǎmgbán-Óburúkpâbí,
kpee n̂g dyizîn emen.
2Akpee akyú ne dyizîn emen kántîk ne ne banyá.
3Kpee n̂g dyizîn ńdyí Óburúkpâbí
[kyi-fím ké kyicê ńkyí óbyísû mu o-byí i kyi-ribi ké ńkyí mu o-ríbî ng.]
4Óburúkpâbí nké mu Otu mú ejíí emúmú.
Busan emen ḿbú ragerage bu/rêe bu-shwôm bubóng.
5Onet o*fí mú mu wǎ Osówo Óburúkpâbí eten*.
Nyǐ mu o-kyú u kyíbóng kyíbóng.
6Nké nyǐ mu o-siring ng kyísí
eringe nyí nyǐ odari bubóng ne esí.
7Nyǐ mu o-bêem m banet-kyikpu ké ecing o-bi cip,
o-bêem banet ḿbé ba*fí ne chwǒm* ba-fem ké bafip ebe,
8o-chi kámbé ba-kûkyú ne bwǎn-batu
ḿbé mbe banet-ashí ḿbé banet emen.
9Nyǐ mu o-kyâ onyinyi mú mu bukwom ofê ké kyise emen.
O-kye ǎ bwǎn eringe nyí odakyú ké bunyîn-dyityém.
Kpee n̂g Óburúkpâbí.
Currently Selected:
Sâm 113: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
