Sâm 112
112
Bunyîn-Dyityém ḿbú Onet mú Onong
1Kpee n̂g Óburúkpâbí.
Bunyîn-dyityém mbu ne onet mú mu o-kyâ Óburúkpâbí ofê,
mú mu ne kyijé ké byije emen etî.
2Bwǎn ḿbé onet mú onong ba/chi ba-kyú biǐtí-banet ké esí ńnyín.
Osówo o/chi o-jware kyikû-banet emen.
3Kyikû-banet emen ba/chi ba-já esang ba-kyú banfang-banet,
ne nyǐ ka/chi ka-nwa ǎ ne banyá.
4Kiinwángé kyi-san n banet ḿbé banong ké kyifip
ne ḿbé mbe ba-ri ng banet bafip,
ḿbé ba/cángê dyityém ne ḿbé baa*ryí acît*.
5Bunyîn-dyityém mbu ne onet mú o/cángê dyityém
mú mu o-pwoo ng banet akpuga ne bunyîn-dyityém,
mú mu ne dyityém wááng ké bǎmkpóngé emen.
6Onet mú onong oo*róng ne banyá*.
Nyǐ ba-zîim m ǎ kángkáng nkéré.
7Nyǐ o*fí o-shî ng ejwo [byibî-bachê* ḿbé ba/chi ba-sét ǎ*.]
Dyityém emen ńdyí o/fé ne Osówo ndyi shwaneshwane,
ne nyǐ mu o-tî ng kándyí ké Óburúkpâbí.
8Ofong o*fí o-két ng ǎ* o-shî nang oshî*
tete ba-kpógê banet-bushwôn emen.
9Nyǐ mu o-yárê ng banet-kyikpu akpuga chwóó,
ne dyityém emen ecángê dii*man ne banyá*.
Nyǐ o/chi o-kyú ne busa ne ofê.
10Bambên atyém ba-ri ng ńkyín ka-kpet kámbé esa.
Mbé ba-tún n ǎ achi ne dyityém-busa, ba-rím.
Okabe ebe oo*kyú to ne banyá*.
Currently Selected:
Sâm 112: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
