Sâm 111
111
Bakye Óburúkpâbí Akpee
1Kpee n̂g Óburúkpâbí.
Me n/chi n-kó Óburúkpâbí asǎma ké burwám-banet emen
ne dyityém ejí kángkáng.
2Byěm ḿbyí Óburúkpâbí mu o-chi i mbyi kiǐtí.
Kángkáng banet ḿbé byěm ḿbyí Óburúkpâbí mu o-chi i mbyi byi-nyîn n kámbé mbe ba-ryuu ng ba/fu, mbé banyît kyikû.
3Kángkáng byěm ḿbyí nyǐ mu o-chi i mbyi ne ofê ne butu.
Kanong emen echi ka-waa ng ne banyá.
4Óburúkpâbí o*fí o-mîng ng bě byi-ráp biǐtí-byěm emen ḿbyí mu o-chi i*.
Nyǐ o/cángê dyityém, ne mu o-ri ng banet bafip.
5Nyǐ mu o-kyâ banet ḿbé mbe ba-kyâ ǎ ofê byiryíng.
Nyǐ o*fí o-ráp ng ocím emen mú o/ryí ne banyá*.
6Nyǐ oo/tông banet emen busa emen
ké nkéré mú nyǐ o/kye kámbé esí nyí bacinbánet.
7Nyǐ mu o-tî ng ocím emen mú o/ryí
ne oo*ryí acît ké kángkáng byěm ḿbyí nyǐ mu o-chi i*.
Byije emen kángkáng byi/kwárê ḿbyí badatî dyityém ké mbyí.
8Mbyí byi-waa ng ne banyá,
ne [o/kye kámbyí] ké bubwô ḿbú ntûntû ne ḿbú kanong echi.
9Nyǐ o/chi banet emen ba-firi ké byiko ebe,
ne o/ryí kámbé ocím o-sem byiko emen.
Dyizîn emen dyi/rêe, ne ndyi kanong.
[ 10Óburúkpâbí eshî ányi kiimkpet kyikû-bubong.]
Nyǐ mu o-chi i kángkáng banet ḿbé mbe ba-tî ng byije emen ba-kyú ne okabe mú onong.
Bakye ǎ akpee ne banyá.
Currently Selected:
Sâm 111: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
