Sâm 105
105
Osówo ne Banet Emen
(1 Korónyíkil 16:8-22)
1Kó n̂g Óburúkpâbí asǎma.
Sét n̂g kyi-kim ne eringe nyí nyǐ o/rêe o-shwôm.
Sét n̂g ejíí kángkáng kyi-kim ne ńkyí nyǐ oo/chi.
2Kwán n̂ ekwan-akpee ba-kye Óburúkpâbí.
Sét n̂g kyi-kim ne byěm-akat ḿbyí nyǐ oo/chi.
3Kyú n̂g ké bunyîn-dyityém,
ké nǎ, nyǐ nké o/já bě.
Kángkáng banet ḿbé mbe ba-kyâ ǎ ofê, bajêe.
4Ca n̂g Óburúkpâbí o-chwáp běn,
ba-kye ǎ ofê ba-ca kashú káshu.
5-6Ben ḿbé bwǎn ḿbé Ébarahâm mú ḿgbán-Osówo,
ne ḿbé Jekôp [mú Osówo o/cá ǎ,]
zîim m̂ biǐtí-akat ḿbyí Osówo o/chi,
ne mpan mú nyǐ o/két.
7Óburúkpâbí nké mu Osówo eten.
Byije emen byi/ta ejíí emúmú.
8Nyǐ o/chi o-tî ocím emen mú o/ryí ne o-sem byiko emen
ké égot-aje ne banyá ne banyá.
9Nyǐ o/chi o-tî ocím mú mbé ba/ryí barî ne Ébarahâm,
ne ocím mú nyǐ o/ryí Ázik.
10Óburúkpâbí o/ryí ocím ne Jekôp.
Ocím ámu mú o/chi o-waa ne banyá.
11Nyǐ o/raa o/fu, me n/chi n-kye ǒ esí nyí Kínan,
nyí e/chi e-já ǒ wo.
12Banet-Osówo ba/mû ba*da/jê*.
Mbé ba/mû bacinbánet ké esí nyí Kínan.
13Mbé ba/yêe ké eshê ké eshê,
ba-fím ké kyikim-oshê kyibónge ba-ribi ké kyikíri.
14Nké Osówo o*da/bángê onet nang obónge o-cít kámbé*.
Ké bubwô ebe, nyǐ o/kuri batu ekó o/fu,
15*da n̂g echi bǎmgbán ejí ḿbé me n/cá chwǒm*.
*Da n̂g eta bamkpábé ejí*.
16Óburúkpâbí o/chi esong e-róng ké oshê ebe,
o-wuri kángkáng byiryíng ebe.
17Nké nyǐ o/twóm onet o-bwóp kámbé kashú,
onet ámu o-bángê e Josêf,
mú ba/shee wǎ ósóng.
18Ba/fé ǎ bamgbokobá ké byiká ne kiǐkím-kiǐré ké kyitông
19tete ńkyí nyǐ o/sét o/fu,
kyi/chi kyi-chi, kyi-chi ntûntû.
Ejá-Óburúkpâbí [e/tông e/fu, nyǐ o/sét ntûntû.]
20Ne otu mú Éjip o-fîm ǎ kâng ké mgbokobá,
otu mú eshê chwóó o-zú ǎ abwô.
21O-chi bǎmkpóngé-okákárá emen ba-firi ké bubwô ḿbú Josêf,
o-chi ǎ to o-firi onet-dyishí mú banet emen kángkáng,
22ne busa ḿbú banet-bǎmkpóngé-otu
ne ḿbú bankye otu bacê bu/firi to ké bubwô emen.
23Jekôp kâng o-dim o-jâ Éjip,
o-kpet ekyú ké Éjip.
24Óburúkpâbí o-kye banet emen bwǎn chwóó,
o-chi kámbé ba-firi ne busa ba-shwôm banet-bushwôn ebe.
25O-chi banet emen ba-kûsa Éjip kafâ,
ba-tún n bǎmgbán emen ne kaǎnínǐm.
26Ne nyǐ kâng o-twóm Músis mú ḿgbán emen
ne Éron ḿbé nyǐ oo/cá.
27Mbé ba/tông ekap nyí Osówo,
ba-chi biǐtí-akat ké Éjip.
28Osówo o/chi kyifip kyi-róng ké oshê,
nké banet-Éjip [ba*da/chi ńkyí Osówo o/sét*.]
29O-chi buce ebe bu-firi baróng bárong,
o-ju to ekworê kángkáng.
30Búsáng bu-cít oshê omúmú nang ké kyibám-otu.
31Osówo o-kye busa ne ecincing ne boonyam byi-byí byi-cít oshê omúmú.
32Osówo o-né omu etwóm ké esí ebe,
nké o/twóm etare ne abíp.
33O-bên byifát-byíkwôn ebe, o-bú kángkáng asín-byichí.
34Nyǐ o/kye busa ne kángkáng esí ké Éjip e-firi agurubí nyǐ nyi.
35A-ryí kángkáng asín-byichí ne byíkwôn
ḿbyí mbyi ké esí-Éjip.
36Nyǐ o/ju bambwôp kashú-bwǎn-banyinchéng
ké byikû-banet ḿbyí Éjip.
37O-sí kâng banet-Ézerel ba-byí ba-mîng Éjip.
Mbé ba/yip syílyíba ne gûl,
ne mbé kángkáng ba/mû shwaneshwane ké enyam-byiko.
38Banet-Éjip ba/mû ba-shî ng kámbé,
ne kyi/mû kyi-nyîn n kámbé ké nkéré mbé ba/dim.
39Osówo o-chi ófíbí o-cít banet emen,
o-kye kámbé okwâ mú odakye kámbé kiinwángé ne buchú.
40Nyǐ o/kye kámbé bunurung
ké nkéré [mbé] ba/bí byiryíng.
O-kye kámbé byiryíng ḿbyí byi/fím kyíbóng
ḿbyí badaryí ba-zût.
41Omu o/byí ké nkéré o/bâa buká
o-kpet esen ké kyikim-dyikán wǎ kace.
42Nyǐ o/zîim ocím emen mú o/ryí o-sem byiko emen,
mú nyǐ o/ryí Ébarahâm mú ḿgbán emen.
43Ké bubwô ámbu kâng, nyǐ o/sí banet emen ḿbé nyǐ o/cá
ba-byí ba-mîng Éjip.
Mbé ba/kwán ekwan ne ejá kyíbóng kyíbóng ké bunyîn-dyityém.
44Nyǐ o/kye kámbé esí nyí banet bakíri,
o-mîng to kámbé ba-koo byifát ebe
45eringe nyí banet emen badatî byije emen kángkáng ba-chi eringe nyí byi/sét.
Akpee akyú ne Óburúkpâbí.
Currently Selected:
Sâm 105: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
