Póróvep 30
30
Byiraa ḿbyí Águ o/raa
1Nyín byiraa ḿbyí Águ mú wǎn-Jáke o/raa o/fu, [Osówo o*fí ne me* Osówo o*fí ne me*. Me n/waa ochwâp o*fí*.]
2Me n/firi enyam n-shwôm onet. Me n*fí ne bubong ḿbú onet odakyú ne mbú*.
3Me n*da/kwâa ne chwǒm-bubong nang kyibónge* ne n*fí n-nyît ng chwǒm nang kyibónge kyi-kim ne Osówo*.
4Yeě o/yú o-ca kyíbóng o-bwa esim. Yeě o/kám bufú ké dyikwâ, o-bwá nang omu ké kyídí, o-tî nang bakô ḿbé ejíí e/nyere. Yeě kâng, â wo amu a-nyît ng. Yeě mu wǎn emen.
5Osówo mu o-tî ng ocím emen nang orá mú nyǐ mu o-ryí i. Nyǐ mu wǎ édem nyí kángkáng banet mbe ba-kyé ng ba/fu, mbé ba-rem m ké nyǐ. 6Â wo a/bángê a/fu, Osówo o/sét chwǒm ńkyí o*da/sét* nyǐ o/chi o-raa ne wo o-tông ǒ o/fu, wo a-chi i nsêt kyisédéng.
Atím-Ekan Akíri
7Osówo me mu m-bí ng ǒ n/fu, mîng mě n-já byěm byifee ne n-kûkpú. 8*Da mě emîng n-kûsét byisédéng* ne *da mě emîng n-kyú nfang-onet* n-kyú nang onet-kyikpu*. Ké bubwô ámbu, kye mě byiryíng ḿbyí byida mě ekwárê. 9Kakíri â mu ne mbyí chwóó n-né ng ǒ. Nké â mu kyikpu, kakíri n-da ng ejii kajii, n-fé Osówo ejí éshwân.
10*Dabîn ḿgbán ké bushú-bonchí emen*. Nyǐ o/chi o-shú ǒ kyibî-kyishû ne a/chi a-ri afaníkong.
11Banet mbe kô ḿbé mbe ba-shú u banchí ebe ne ba*fí ba-tông ng kyijé ne bané ebe*.
12Banet mbe kô ḿbé mbe ba-kabe ng ba/fu, mbé mbe ne atyém kpárám, nké mbé baa/sú ne byibî-byěm ké byiko ba-shwôm oshwǒm.
13Banet mbe kô ḿbé mbe ba-kabe ng ba/fu, mbé ba/nwa dyityém kanong kanong. Byiko ebe etông byi/jê byi-shwôm.
14Banet mbe kô ḿbé mbe ba-cít ng banet-kyikpu ne banet ḿbé ba*fí ne chwǒm* kyibî-ocît.
15Nrû erû obónge mu ne bwǎn-banyinyi bafee ḿbé mbe ba-bángê e, kye mě.
Byěm mbyi byinyii ḿbyí byěm bii*kwárê kámbyí*. Mbyi něen, 16oshê-bakúsí ne onyinyi mú o*fí ne bwǎn* ne kiǐyéyé-esí nyí nyi e-ryuu ng omu ne okwâ mú mu o-mang ng o-câ byiryibyiryi.
17Onet mú o*fí o-kúng ng bonchí emen wǎ chwǒm* ne mu o-shú u [okâa-boné emen] o/kwárê mú bunurung buda ǎ eryí bu-fuu ǎ achi.
18Byěm mbyi byinyii ḿbyí mbyi mě byěm-akat byi-shwôm ḿbyí ndanyît kyikû. Mbyí mbyi něen, 19eringe nyí kiinkwa nkyi kyi-byí i kyíbóng ne eringe nyí efyi nyi e-cen n ké buká ne eringe nyí ńsukyíkang mu o-ri ng kiǐfáng emen ké baya ḿbé baryên ne eringe nyí onyinchéng ne onyinyi badajê barî.
20Édúú nyí onyinyi mú o*fí o-fâ dyityém ne otyép emen* nyi něen, o-chi i kyinam, o-kôo omu, o-sét o/fu, me n*da/chi kyibî*.
21Byěm mbyi byinyii ḿbyí ejíí eyén ee*bángê ne mbyí*. Mbyi něen, 22ósóng mú o/bírî otu ne enyam-onet mú mu o-ri ng kángkáng byěm ḿbyí mu o-ryuu ng o/fu, nyǐ o-ryí i 23ne onyinyi mú oo*nyîn banet* mú mu o-bé ng otyép ne wǎn-onyinyi mú mu ḿgbán, mú o/koo kyikit ńkyí boné-kyise emen.
24Enyam nyi enyii ké ejíí nyí e*da/rêe* nké e-nyît ng byinyídíng kanong kanong. Nyǐ nyi něen, 25ejujware nyí e*fí ne busa* nké nyǐ nyi e-kúng ng byiryíng ké nkéré-burwom e-tî ng 26ne bukuráká to ḿbú bu*fí ne busa* nké mbú mbu bu-kyú u ké afít-aká 27ne agurubí nyí a*fí ne otu* nké nyǐ nyi a-cen n ké bunye ké bunye 28ne biǐmbirî ḿbyí onet odaman eníbî ké bubwô, nké a-ri ng kámbyí ké byikit-batu.
29Byěm mbyi byinyii ḿbyí byidanyîn eri ké nkéré byi-kú byi-cen n byi-câ. Mbyí mbyi něen, 30ekpang nyí nyi ne busa e-shwôm kángkáng enyam ne ee*shî enyam nang ebónge* [ 31ne etúbû ne etúkwa nyí edatông byiko ne Batu ké nkéré mbe ba-cen n ké kashú-banet ebe.]
32Â wo a/mû aa/róng enyam nyí adatông byiko a-nam byibî-byěm, mîng kpá a-kabe. 33Â wo a/buu abî-mpong, a-já ng búta. Â a/kíbî onet ké ozóng, baróng ba-byí i. Â wo a/chi ka-sa onet, wo a-ri ng afaníkong.
Currently Selected:
Póróvep 30: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
