Póróvep 28
28
1Bambên atyém ba-chêe ng ké nkéré nang onet o*fí mú mu o-nwa ng ne mbé* nké onet mú mu o-chi i kanong mu wǎ ekpang, oo*shî*.
2Ké nkéré oshê oo/chi kyibî, o-firi ng ne batu chwóó, nké oshê o-waa ng shwanshwan ké nkéré o/firi ne banet-ashí ḿbé mbe ne byinyídíng ne bubong.
3Onet mú busa mbu ké bubwô emen, mú mu o-cít ng banet-kyikpu, mu wǎ omu mú mu o-na ng kakânkakân o-bên n byíkwôn.
4Â wo a*fí a-kúng ng byije wǎ chwǒm* ányi wo amu ké esim nyí bambên dyityém, nké â wo amu a-chi i eringe nyí byije byi/sét, ányi wo a*fí ne mbé*.
5Banet-byibî baa*nyît ńkyí kyi*fí ne acît eryí* nké banet ḿbé mbe ba-fâ Óburúkpâbí ba-nyît ng kánkyí kanong kanong.
6Nkyi kanong ńkyí adakyú kyikpu ne nsêt ntûntû kyi-shwôm ńkyí adakyú onet-esang ne nsêt byisédéng.
7Wǎn-kyisat mú mu o-chi i ńkyí kyije kyi/sét mu ne bubong. Wǎn-kyisat mú mu o-ryí i bacín ne banet ḿbé ba*da/byí chwǒm* mu o-fâ bonchí éshwân.
8Esang eyên e/chi e-jâ e-kâm onet mú o/cángê dyityém ne banet-kyikpu â amu a-já ng kányí ké banet mpún eryí.
9Banshwam eyên baa*nyîn Osówo ejwo* â wo a*fí a-chi i eringe nyí kyije kyi/sét*.
10Wo oyén a/chi a-róng ké kaǎtám eyên â amu a-nîm m onet mú mu o-chi i kanong a/fu, ochi kyibî, nké banet ḿbé ba*da/chi kyibî* ba/chi ba-koo eyáré.
11Banet-esang kángkáng nkéré ba-kabe ng ba/fu, mbé mbe ne bubong, nké onet-kyikpu mú mu ne byinyídíng mu o-nyît ng o-shwôm kámbé.
12Ké nkéré busa-oshê bu/firi ké abwô nyí banet ḿbé mbe ba-chi i kanong, nang yeě o-jêe ng, nké ké nkéré busa-oshê bu/firi ké abwô nyí byibî-banet, banet ba-waa ng ké orêm.
13Wo kii*ba/chi kyi-nwa kyi-kye ǒ* â amu a-rôo ng byibî eyên. Sét byibî eyên, a-né kámbyí, ne Osówo kâng o/chi o-ri ǒ bafip.
14Kángkáng nkéré, chi ńkyí Óburúkpâbí mu o-sét ng ne wo a/chi a-kyú ké bunyîn-dyityém. Kyi/chi kyi-bên ne wo â wo aa/rêe dyityém.
15Banet-kyikpu ba*fí ne ochwâp* ké abwô nyí onet-dyishí-oshê mú o/bên dyityém*. Mbên dyityém-onet-dyishí-oshê o-cen n ne bukyû wǎ ekpang nyí nyi e-fém m ne wǎ kyibî-enyam ńkyí esong nyi e-nwa ng kánkyí.
16Onet-dyishí-oshê mú o*fí ne bubong* o-kyú u mbên dyityém mú mu o-cít ng banet emen. Onet-dyishí-oshê mú byisédéng bii*nyîn ǎ* o/chi o-kyú onet-dyishí-oshê ka-bwon.
17Onet mú oo/ju onet mu o-sím m dyikun ńdyí emen ochéé óchee. *Da ǎ efu, omîng*.
18Kûsét ntûntû ne chwǒm kii*ta ǒ* nké â amu a-sét ng byisédéng, wo a/chi a-róng ké dyibíng kiǐmút.
19Mkpang kyifát mú mu o-chi i bǎmkpóngé o-fâ busa o-kyú u ne byiryíng chwóó ḿbyí odaryí. Banet ḿbé mbe ba-bên n nkéré mbe kyikpu kángkáng nkéré.
20Banet ḿbé mbe ba-sét ng ntûntû mbe ba-kyú u dyikpen ńdyí bunyîn-dyityém chwóó, nké â wo amu a-kyé ng esang ejá babap, Osówo o/chi o-kye ǒ busông.
21Acît eryí aa*nwa* nké bankêt mpan bakíri ba-chi i kyibî ńkyí badaryí nang kaǎnyín-ngu.
22Onet-kanim o-ryuu ng akpuga ejá babap ne oo*nyît nkéré mú kyikpu kyi/chi kyi-bâ*.
23Raa ne onet ké ńkyí nyǐ o/chi, ne nyǐ o/chi o-nyît kánkyí ké nkéré mú mu o-bâ o/fu, kyi/shwôm akpee ekye.
24Nang yeě mú mu o-kabe ng o/fu, kyibî kyi*fí* â nyǐ mu o-jii ng byěm ḿbyí bonchí ne boné* o-chi i onet-kajii mú o/bên o-shwôm.
25Kanim ka-cen n ne afaníkong. Kyi-nwa ng ne wo kyi-shwôm ńkyí adafé dyityém eyên ké Óburúkpâbí.
26Nkyi chwǒm-enyam ńkyí adachi eringe okabe eyên o/sét. Chwǒm kii*ta ǒ* â amu a-chi i byěm ḿbyí banet-bubong mbe ba-tángê e*.
27Kye banet-kyikpu ńkyí amu ne nkyí ne chwǒm kii*kaa ǒ*. Banet chwóó ba/chi ba-shú ǒ, â wo a*fí a-tún n banet-kyikpu*.
28Banet ba-rem m ké nkéré busa ḿbú oshê bu/firi ké abwô nyí byibî-banet, nké busa-oshê bu/chi bu-chîfiri ké abwô-banet ḿbé mbe ba-chi i kanong, ké nkéré busa bu*fí to ké abwô-byibî-banet*.
Currently Selected:
Póróvep 28: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
