Póróvep 27
27
1*Datông byiko kyi-kim ne dyicí ńdyí nencí* ké nǎ, wo a*fí a-nyît ng ńkyí kyi/chi kyi-chi nang kurún*.
2*Dakpee byiko eyên* nké mîng banet bakíri nang bacinbánet ba-kpee ǒ.
3Burô ḿbú aká ne éshíshě bu*da/fyi nang onyin* ne afaníkong nyí enyam eróng nyi a-cen n ne nyǐ*.
4Kafâ esa kaa*nwa* ne ka-dugi ng byěm, nké ka*da/fyi nang onyin* ne orêm echi ké byěm-banet*.
5Nkyi kanong ńkyí adabîn onet wááng kyi-shwôm ńkyí ada ǎ echi o-kabe o/fu, wo a*fí a-kérê ng kyi-kim ne nyǐ*.
6Bucín mbu kanong nang bu-chi ńkyí kii*nyîn ǒ* nké bám byiko eyên â onet-bushwôn eyên o/twôom ǒ bubwô ké kyikem.
7A-né ng bakút-bukwan ké nkéré aa/zût, nké ké nkéré esong e-kú e-nwa ng ǒ, nang byiryíng ḿbyí mbyi byi-ruu ng byi-firi ng ne bunyîn.
8Onet mú o/byí o-mîng kyise emen mu wǎ kanurung ńké ka/byí ka-mîng dyiju emen.
9Bakút ne byěm ḿbyí byidanyîn kyinung byi-kyâ ǒ bunyîn-dyityém, nké afaníkong a-bên n bunyîn-dyityém eyên.
10*Daráp bacín ḿbé eyên* nang ḿbé bonchí eyên*. Â wo amu ké afaníkong, *dabí wǎn-boné eyên a/fu, ochwáp ǒ*. Orî-onet eyên mú mu ǒ fáráng o-man n ǒ echwáp o-shwôm wǎn-boné eyên mú o*fí fáráng*.
11Wǎn ejí, kyú ne bubong, ne me n/chi n-kyú ké bunyîn-dyityém. Me n/chi n-kyú ne ojá mú ndaman efaa nang yeě mú mu o-bîn n mě.
12Banet ḿbé mbe ne byinyídíng ba-chêe ng afaníkong ké nkéré baa/ri kányí ké a-kú a-bâ, nké onet mú o*fí ne okabe* o-kyé ng afaníkong, ne o-chi i ájângmé ké nkéré oo/róng ké nyǐ.
13Nang yeě mú mu o-róng ng enyam o/fu, nyǐ o-tû [dyifwá ńdyí ocinónet,] onet ámu o/kwárê mú odakúng byěm ḿbyí emen o-kye ké dyifwá ńdyí ocinónet ámu. 14Kyi*da/yángê ne kyishû* â a/jwóbê ocín eyên ké dyicófóróng pirípirí ne ejá kánkán*.
15Onyi mú odashwôn ashwôn mu wǎ omu mú odaróngê dyibán dyibán ké dyicí-buríp-omu. 16Wo a-cen n nǎ ne a-chi ǎ o-kyú pyêp. Wo aa/kan nang bufú ekám? [a-kan nang bakút eníbî ké bubwô?]
17Banet ba-kwâa ng byěm ne barî-banet wǎ eringe nyí kiǐré kyidajee orî-kiǐré.
18Onet mú mu o-nen n dyisín-kyichí emen o-ryí i byirim emen. Ne ḿgbán mú mu o-nen n bonchí emen o/chi o-já ofê.
19Bushú eyên nké amu a-ri ng ké omu wǎ kiǐríribí. Eringe ebónge to, byiko eyên wo oyén nké amu a-ri ng ké dyityém eyên.
20Byěm ḿbyí banet mbe ba-ryuu ng bii*man* wǎ eringe nyí oshê-bakúsí mu ne mpât mú banet badachînung kángkáng nkéré.
21Okwâ mu o-fwôo ng gûl ne syílyíba, ba-man n efwôo to dyizîn ńdyí onet.
22Nang eringe nyí badakíbî esang-byichí ké bushi nké a/kíbî enyam-onet wǎ o-kpú u, enyam emen eróng ee*man*.
23Tún ebû eyên ne bampong eyên kanong kanong, 24ké nǎ, esang ee*waa ne banyá*. Nang oshê oo*waa ne banyá*. 25Ké nkéré aa/két ákôm a-man, a-két ng biǐbyâa ḿbyí ké eku, a-mîng ákôm akíri a-chîkán. 26Wo a-man n echi byídí ké eríp-etám-ebû eyên, a-ré esí ké akpuga nyí adashee ebúbǔu eyên. 27Ebû nyí e/waa e/chi e-kye ǒ abî nyí adajwáp a-kwárê ǒ ne kyikû-banet eyên cibicibi ne bǎmgbán eyên ḿbé bwǎn-banyinyi.
Currently Selected:
Póróvep 27: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
