Póróvep 20
20
1Bato ejwáp chwóó ba-chi i ǒ a-firi nraa kyiraa ne enyam-onet. Kyi-tông ng enyam ńkyí adabwóm bato.
2Shî otu mú kafâ nke ka-sa ng ǎ wǎ eringe nyí adashî ekpang nyí nyi e-fém m. Â amu a-chi i kafâ ka-sa otu, nkyi wǎ amu a-shwân n byiko eyên.
3Enyam-onet nang orá o-man n ekpet kyikû-okân ké dyishí. A-já ng ofê â a*da/róng ké mǔ*
4Mkpang kyifát mú dyidare dii*bángê ǎ o-kpang kyifát emen ké nkéré* oo*já chwǒm ńkyí odafuu*.
5Okabe mú ké dyityém-onet mu wǎ omu mú mu ké kiǐríbíríbí-dyibíng-omu, nké onet mú mu ne bubong o-man n esét okabe ámu.
6Nang yeě mu o-sét ng eringe nyí nyǐ mu o-chi i ńkyí Osówo o/sét, ne eringe nyí nyǐ mu o-fâ dyityém ne Osówo, nké kan kpá a-ri onet mú mu o-chi i éné ké ntûntû.
7Ashí a-nwa ng bwǎn â mbe ne bonchí mú mu o-sét ng ntûntû ne mu o-chi i ńkyí nkyi kanong.
8Otu mu o-kyú u ké mpan ekét ne o-nyît ng kyibî ké nkéré oo/ri kánkyí.
9Onet o-man n esét ké ntûntû o/fu, dyityém emen ndyi kpárám? O/fu, Osówo oo/soo ǎ ké byibî emen?
10Óburúkpâbí mu o-sa ng kafâ ne banet ḿbé mbe ba-kúng ng byiféng ḿbyí byi*fí ntûntû* ba-kan n byěm.
11Nang wǎsíng o-man n etông eringe nyí nyǐ mu ké byěm emen ḿbyí mu o-chi i. A-man n esét â nyǐ mu ne dyityém ńdyí dyinong ne ntûntû.
12Óburúkpâbí oo/kye bě achi nyí byidari byěm ne atông nyí byidajwo byěm.
13Wo a-waa ng kyikpu â amu a-bên n nkéré eyên ké burê erê. Chi bǎmkpóngé kángkáng nkéré ne a/chi a-já byěm chwóó ḿbyí adaryí.
14Nrê byěm kángkáng nkéré o-sét ng ńkyí kasî-byěm kaa/yú ka-shwôm, nké ké nkéré oo/dim, o-kpet etông byiko kyi-kim ne kasî ńké nyǐ o/ré.
15Wo amu ne chwǒm ńkyí nkyi kyi-nwa ng kyi-shwôm gûl nang byibwáng, â amu a-nyît ng ńkyí amu a-sét ng.
16Kyi-nwa ng ńkyí nang yeě mú mu o-róng ng enyam o/fu, nyǐ o-tû ng dyifwá ńdyí ocinónet, okye byěm emen ké dyifwá ándyi.
17Byiryíng ejá ké bukwóp ḿbú boo*nwa* byi-nyîn n onet, nké kaǎnyín-nkéré, ocím emen o/chi o-firi wǎ mu ne aká.
18Koo bacê ne kyi/chi kyi-nwa kyi-kye ǒ. Kabe kpá ne a-dim byití enwa.
19Onet-eram oo*man erôo chwǒm ńkyí nkyi ké kadip*. *Dakyú a-kim ne banet ḿbé badaraa kyiraa ba-shwôm*.
20Â amu a-shú u ńchân ne ńnân, dyikpen eyên dyi/chi dyi-rím wǎ otyuryíkáng mú odaríbî ké kyifip.
21Esang nyí e*da ǒ esóng ne a-já* ee*chwáp ǒ ké nkuli kyikû*.
22*Dachi a-fu, wo oyén a-só ng kyibî ńkyí ba/chi ǒ*. Bám Óburúkpâbí. Nyǐ o/chi o-chwáp ǒ.
23Óburúkpâbí mu o-sa ng kafâ ne banet ḿbé mbe ba-kúng ng érúmá ne byiféng ḿbyí byi*fí ntûntû* ba-kan n byěm.
24Óburúkpâbí oo/tî bě kiǐfáng. Kyi-cen n nǎ kâng ńkyí onet odanyît kiǐfáng ńkyí dyikpen emen ndyi dyi-jâ.
25Kabe kanong kanong kpá ne a-kûryí ocím mú adachi kyifen a-kye Osówo. Kakíri a/chi a-chi ájângmé ké nkéré mú ké kashú.
26Otu mú mu ne bubong o-kyé ng kyikû o-ri onet mú mu o-chi i kyibî, ne o-kye onet ámu busông oo*ri ǎ bafip*.
27Óburúkpâbí o/kye bě dyityém ne okabe. Be bii*man erôo byiko eten*.
28Otu o-waa ng otu, â mu otu mú mu o-sét ng ntûntû, oo*ryí acît*.
29Akpee nyí kyisu-onet nyi ké busa emen, ne ofê mú bakâa-banet mu ké ébyî ebe.
30Nkéré okíri byěm-busông eri nké byida bě echi ne byi-yángê édúú eten.
Currently Selected:
Póróvep 20: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
