Jeryimáya 4
4
Óburúkpâbí o/kó Banet ḿbé Ézerel o/fu, basaa Byiko ba-mîng Byibî echi
1Óburúkpâbí o/raa o/fu, banet-Ézerel, â bamu ba-ryuu ng ba/fu, ba-bwa ng esim, bwa n̂g kâng esim ba-kâm mě. Â ben ba/fîm erím-bakye nyí nyi e-sa ng mě kafâ, ba-kpet efé dyityém ne me, [ 2kyi/chi kyi-kyú kanong ńkyí ben badaryí ocím ké chwǒm ba-sem dyizîn ejí.] Ne kángkáng eshê kâng e/chi e-bí mě e/fu, me njware kányí, ne e/chi e-kpee mě.
3Óburúkpâbí o/raa ne banet ḿbé Júda ne ḿbé Jerúsélem o/fu, kpang n̂g byifát enen ḿbyí ba*da/kpang ne*. *Da n̂g ekwón esang-byichí enen ba-cibi ne byiwong*. 4Tî n̂g ocím enen mú ba/ryí ne me, mú mu Óburúkpâbí enen, ba-kúng byiko enen, ǎ banet ḿbé Júda ne Jerúsélem, ba-kye mě. Â ben ba*da/chi éné* kafâ ejí ka/chi ka-mang mě wǎ okwâ, ké bubwô ḿbú byibî-byěm ḿbyí baa/chi. Kafâ ejí ka/chi ka-mang, ne onet o*fí mú o/chi o-man erîp kánké*.
Óburúkpâbí o/fu, Nyǐ o-kyâ Júda Busông
5Jwá n̂g ntán ké esí emúmú.
Wonge ê ne ejá kyíbóng kyíbóng,
ba-sét banet ḿbé Júda ne Jerúsélem ba/fu,
bachêe ba-da-rem ké eshê nyí nyi ne byikit ḿbyí badabwom ba-nwa byití.
6Sét n̂g kámbé ba-bírî kyicê ńkyí Záyon.
Bazóngê ochéé eringe nyí badafem.
Ba*dachi ba-bên nkéré*.
Óburúkpâbí mu o-bâ ne busông ne kiǐtí-bukyû
ńkyí nkyi kyi-fím m ké kyicê ńkyí bushûyû.
7Mbên eshê oo/dim o-kú o-bâ
wǎ ekpang nyí edabyí ké kyikit ńkyí nyi e-rem m.
Nyǐ mu o-bâ o/fu, nyǐ o-bâ ng ebên Júda.
Eshê nyí Júda e/chi e-bên kángkáng,
ne onet o*fí mú o/chi o-kyú ké nyǐ*.
8Ké bubwô ámbu, fé n̂g byídí-dyikán eta,
ba-tii, ba-wonge,
ké nǎ, kiǐtí-busa-dyityém ńkyí Óburúkpâbí kyi/tôong ké Júda.
9Óburúkpâbí o/raa o/fu, ké dyicí ándyi, busa bu/chi bu-man batu ne banet-ashí-oshê ebe. Byiko byi/chi byi-kaa banchi kyifen-Osówo, ne bamkpábé ḿbé badasét byiraa-Osówo ba/chi ba-waa ocím ké dyishí fúú.
10Ne me n-raa kâng n/fu, Óburúkpâbí mú mu Otu Kyítá, wo aa/nîm banet ḿbé Jerúsélem kanong kanong. Wo aa/sét a/fu, bunyîn-dyityém bu/chi bu-kyú, nké kashwám ka/firi kámbé ké kyitông.
11Nkéré mu o-bâ mú ba/chi ba-sét banet ḿbé Jerúsélem ba/fu, bufú ḿbú budashí byikit mbu bu-fím m ké kyikim-dyikán, bu-tugi ng bu-bâ. Boo*ba/chi bu-kyú bufú ḿbú degere* ḿbú budatugi biǐbyém bu-pwó*. 12Bufú ḿbú Óburúkpâbí mu o-twóm m bu/jê ne busa bu-shwôm éné. Óburúkpâbí oyén nké mu o-két ng mpan o-bên banet emen.
Banet-Bushwôn ba/wáp Júda ba-fé ké Kafâ
13Kan n̂ achi ba-ri, onet-bushwôn mu o-bâ wǎ ófíbí. Bamútu-byití enwa emen mbe wǎ kyibî-bufú, ne bubyî-orá emen bu-kwáng ng bu-shwôm biinkwa. Be bii/tánê. Be bii/kpú.
14Jerúsélem, soo byibî ḿbyí mbyi ké dyityém eyên eringe nyi Osówo o/chi o-nyii ǒ. Ka-rí i nǎ ne wo a-mîng byibî-okabe ekabe.
15Banet-kyitwóm ḿbé ba/fím ké esí nyí Dǎn ne ké eku nyí Éferem mbe ba-sét ng kyibî-chwǒm ńkyí kyi/chi kyi-chi. 16Mbé baa/bê ba/fu, mbé ba-bâ ng ekuri eshê ekó, ba-sét to Jerúsélem ba/fu, banet-bushwôn mbe ba-fím m ké oshê mú tíbítíbí ba-bâ. Banet-bushwôn ḿbén ba/chi ba-wonge kyibî kyi-kim ne eshê nyí Júda, 17ne ba/chi ba-wáp Jerúsélem ba-fé ké kafâ wǎ banet ḿbé mbe ba-bám m kyifát, ké nǎ, banet ḿbé Jerúsélem baa/bwom bunwa ne Óburúkpâbí. Óburúkpâbí nké o/raa.
18Júda, dyikpen enen ńdyí bamu ba-kyú u ne byěm enen ḿbyí bamu ba-chi i nké bii/bê běn ne ńkyín ké byiko. Byibî enen nké bii/bê ne busông ḿbún, ḿbú boo/ta běn ké dyityém.
Bafip ḿbé ba/chi Jeryimáya kyi-kim ne Banet Emen
19Me n*fí m-man n ecíp bafip ejí*.
Dyityém ejí ndyi dyi-kíbî ng mě byiryibyiryi.
Mm*man ecíbî pyêp*.
Me mu n-jwo ng bantán ne awonge nyí byití.
20Â busông bubónge bu/man,
bukíri bu-ribi.
Baa/bên oshê omúmú.
Baa/bên bampyep eten ḿbé byi/bi ké byídí
ba-ját byídí ebe boǒcê boǒcê,
nang ekpu byi*da/tî*.
21Ka-rí i nǎ ne me m-mîng byití ḿbyín eri ne bantán ḿbén ejwo.
22Óburúkpâbí o/raa o/fu,
banet ejí mbe enyam.
Mbé baa*nyît mě*.
Mbe wǎ enyam-bwǎsíng,
baa*nyît chwǒm*.
Mbé ba-nyît ng kanong kanong eringe nyí badachi kyibî,
nké baa*man echi ńkyí nkyi kanong*.
Jeryimáya o/ri Akat nyí a/kim ne Busông ḿbú bu/chi bu-bâ
23Me n/tún achi ké ejíí
ne n-ri kányí ké e/firi kafâ dyikáá.
N-tún achi ké bubóng,
kiinwángé kyi*fí*.
24N-tún eku nyí nyáám,
n-ri kányí ké e-kú e-ninge e.
N-tún eku nyí kyísí kyísí
n-ri ké e-kú e-náng ng e-jâ kú e-jâ kú.
25N/tún achi, nang onet n*da/ri*.
Nang bunurung kángkáng boo/chêe.
26N/tún achi n-ri esí nyí e/mû ne byirim-byichí
ké ee/bírî kyikim-dyikán,
ne ké kángkáng eshê ee/shí ké bushú ḿbú Óburúkpâbí,
ké bubwô-kiǐtí-busa-dyityém emen.
[ 27Ké nǎ, Óburúkpâbí o/raa o/fu,
ejíí emúmú e/chi e-bírî kyikim-dyikán,
nké mm*ba/chi m-bên kányí kángkáng*.]
28Ké bubwô ḿbún, ejíí e/chi e-ta dyikán
ne bubóng bu/chi bu-firi kyifip kyífip.
Ké nǎ, me Óburúkpâbí nn/raa.
Me n/kabe ne n-chi.
Me mm*ba/chi n-yángê okabe ejí*
ne mm*ba/chi m-mîng ńkyí n/fu, n-chi i*.
29Oshê nang orá o-chêe ng
ké nkéré mú oo/jwo kyicoge-banyû bubyî-orá ne banchê abán.
Mbé ba/chi ba-nung ké akán,
ba-yú u ké aká.
Ba-chêe ba-mîng eshê emúmú,
onet nang obónge oo*kyú to mú odakyú ké nyǐ*.
30Jerúsélem, wo a/firi ké busông.
Ebóng amu a-bwá ng byídí ḿbyí batu.
Ebóng amu a-fâ byibwáng ḿbyí byinong,
a-fâ bukye-achi.
Wo amu a-chi i búsé dyikáá.
Bákyî eyên baa/né ǒ
ne ba-kú ba-ryuu ng ba/fu, mbé ba-ju ng ǒ.
31Me n/jwo bukyû wǎ onyinyi mú bufwon mbu bu-nwa ng ǎ,
n-jwo dyiwonge wǎ onyinyi mú mu o-fwon n bufwon-dyikwá.
Bukyû ámbu bu/mû ḿbú Jerúsélem mu o-nwa ng ne kiǐnjáng eshû,
o-mege ng bubwô, o-raa ng o/fu, me mm/kpú.
Ba-kú ba-bâ mě ebaju.
Currently Selected:
Jeryimáya 4: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
