Azáya 64
64
1Ebóng wo a*da/ját bubóng a-shû kyísí*. Ecím-eku e/mû e/chi e-ri ǒ e-kpet etím banê ne bushî. 2E/mû e/chi e-kûziri banê wǎ omu mú mu o-fyí i ké okwâ. Bâ a-ba-tông banet-bushwôn eyên busa eyên, a-chi eshê nyí ee*nyît ǒ* e-kûshî ké bushú eyên. 3Nkéré o/mû kô obónge mú wo a/bê a-ba-chi biinkaa byiko-byěm ḿbyí be byi*da/tî achi*. Ecím-buku e/ri ǒ e-ninge ne bushî. 4Onet o*fí mú oo/ri* o-jwo kyi-kim ne Osówo wǎ wo* mú mu o-chi i azong-byěm ányi o-kyâ banet ḿbé ba/tî achi ne nyǐ*. 5Wo amu a-koo ng banet ḿbé byěm ḿbyí byinong echi byidanyîn kámbé, banet ḿbé mbe ba-zîim m eringe nyí amu a-ryuu ng kámbé a/fu, bakyú. Wo a/mû a-sa ng kafâ ne be, nké be byi/ce kashú ne byibî echi. [Nang ké amu a-sa ng kafâ chwóó, be byimu byi-chi i byibî byi-câ kashú kyi-fím ké nkéré mú oo/shwôm ké esim chwóó.] 6Be kángkáng byimu byi-chi i byibî. Nang édúú eten nyí enong nyi e-nut ng wǎ kyibâm-baróng. Ké bubwô-byibî eten, be byimu wǎ eshǎan nyí nyi e-jwóm m bufú bu-tugi kányí bu-pwó. 7Onet o*fí mú o/bírî o-fé nshwam o-kye ǒ*. Onet mú mu o-câ o-kâm ǒ o/fu, wo achwáp ǎ*. Wo aa/rôo bě byiko eyên, [a-dim a-mîng] bě ké bubwô-byibî eten.
8Nké Óburúkpâbí, wo a-chi i bonchí eten. Be byimu wǎ bumee, ne wo amu wǎ nchi butí. Wo nké a/chi bě, 9ké bubwô ámbu, *dachi a-jang esa kafâ ne be* a-bîn bě ké byibî eten ne banyá*. Be byi-chi i banet eyên. Ri bě bafip. 10Eshê-ociring eyên e/firi wǎ kyikim-dyikán. Jerúsélem o/firi kyikit ńkyí kii/shí banet ba-mîng kánkyí, 11ne kiǐtí-kyise-kyifen-Osówo echi eten, kyikit-ociring ne bunong ńkyí banchí eten ba/kpee ǒ ké nkyí, okwâ oo/shí kánkyí. Kángkáng byikit ḿbyí byida bě ejê bii/bên. 12Óburúkpâbí, byěm ḿbyín byi*fí byi-náng ng ǒ*. Wo aa*ba/chi a-chi chwǒm*? a-mîng ng bě byi-ri afaníkong nyí a/shwôm bě busa?
Currently Selected:
Azáya 64: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
