Azáya 6
6
Osówo o/kó Azáya o/fu, okyú Mkpábé mú odasét Byiraa Emen
1Azáya o/fu, ké dyije ńdyí Otu Ozáya o/kpú, me n/ri Óburúkpâbí mú mu Otu Kyítá. O/mû o/kyú ké kakyúng-butu emen ńké nyáám ne ofê ne byídí emen ḿbyí o/fé byi/sú kiǐtí-kyise-kyifen emen echi kyimúmú. 2Biǐnyám ḿbyí mbyi ne bumang-okwâ ké byiko byi/bwom byi-wáp ǎ byi-fé ké otyém. Kiǐnyám nang kyirá kyi/mû ne abyibabang nyâchât. Biǐnyám ámbyi byi/yip abyibabang afee byi-cít bushú, afee byi-cít byiko, byi-yip nyí a/waa afee mbyi byi-byí i ké nyǐ. 3Byi/mû mbyi byi-kó ng barî byi/fu, mú onong, mú onong, mú onong. Óburúkpâbí mú o/rêe o-shwôm mu kanong. Busan emen ḿbú ragerage bu/sú ejíí emúmú.
4Ejá nyí biǐnyám ámbyi e/raa, ne byikû-ekpe-kyise nyí kiǐtí-kyise-kyifen-Osówo echi byi-náng, kyise kyiyén kyi-sú ne arúkwâ pwat.
5Me n-raa n/fu, bukwóp bu*fí mě to*. Me n/firi ké busông, ké nǎ, kyiraa nang kyirá ńkyí nkyi kyi-shwôm m ké byibî-ocím ejí nkyi kyibî, ne me mu n-kyú u ké burwám-banet ḿbú kyiraa ebe nang kyirá kii*nwa*. Nké nang ké nkyi éné, me nn/kúng achi ejí me oyén n-ri Otu, mú mu Óburúkpâbí mú o/rêe o-shwôm.
6Ne kiǐnyám kyibónge kyi-byí kyi-bâ kyísí kyi-kâm mě. Kyi/kám dyimánge-okwâ ké efámgbá ńdyí kyi/fîm ké kyikit-kyifen-Osówo echi. 7Kyi-yip dyimánge-okwâ ándyi kyi-ta mě ké byibî-ocím kyi-raa kyi/fu, dyimánge-okwâ ńdyín dii/ta byibî-ocím eyên. Kántîk kyibî ńkyí a/mû a/chi Osówo oo/pwoo ǒ kánkyí.
8Ne n-jwo ké Óburúkpâbí o/raa o/fu, n-twóm m yeě. Yeě o/chi o-kyú onet-kyitwóm eten.
Me n-faa n/fu, me n-câ. Óburúkpâbí otwóm mě.
9Ne Óburúkpâbí kâng o-sét mě o/fu, nca n-da-sét banet kyitwóm ńkyín n/fu, nang ba-bwa ba-fwôo atông nǎ, baa*ba/chi ba-nyît dyishí*. Nang ba-bwa ba-tún achi nǎ, baa*ba/chi ba-nyît ńkyí nkyi kyi-chi i*. 10Ne o-raa kâng ne me o/fu, chi atyém nyí banet ḿbén a-firi enyam ényam, atông ebe a-tim, ne achi ebe a-sêe, eringe nyí baa*rángê to* baa*jwo to chwǒm* ne baa*nyît to chwǒm*. Â ba/mû ba/chi byěm ḿbyín, ba-man n ebírî ba-kâm mě, n-chi kámbé ba-nyange.
11Me m-bí Óburúkpâbí n/fu, banet ḿbén ba/chi ba-waa ké dyikpen ńdyín ka-rí nǎ.
Nyǐ o-faa mě o/fu, tete eshê ebe e-shí e-waa kafâ dyikáá, tete byise ebe byi-waa kafâ dyikáá ne tete esí eyén e-waa kyísí dyikáá. 12N/chi n-twóm banet ámbe ba-jâ tíbítíbí n-chi esí ebe emúmú e-waa kyísí dyikáá. 13Â nang onet nang obónge ké burwám-ashí diǐkpú o/waa ké esí ányi, ba/chi ba-ju ǎ. O/chi o-kyú wǎ kyikim-kyichí ńkyí baa/twom okyukyu ba-twóp kyísí.
Kyikim-kyichí ánkyi kyi/chi kyi-kyú kiimkpet kyikû ńkyí kyifyîfî ńkyí banet-Osówo.
Currently Selected:
Azáya 6: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
