Popular Bible Verses from Azáya 6

Share

Ne n-jwo ké Óburúkpâbí o/raa o/fu, n-twóm m yeě. Yeě o/chi o-kyú onet-kyitwóm eten. Me n-faa n/fu, me n-câ. Óburúkpâbí otwóm mě.

Byi/mû mbyi byi-kó ng barî byi/fu, mú onong, mú onong, mú onong. Óburúkpâbí mú o/rêe o-shwôm mu kanong. Busan emen ḿbú ragerage bu/sú ejíí emúmú.

Me n-raa n/fu, bukwóp bu*fí mě to*. Me n/firi ké busông, ké nǎ, kyiraa nang kyirá ńkyí nkyi kyi-shwôm m ké byibî-ocím ejí nkyi kyibî, ne me mu n-kyú u ké burwám-banet ḿbú kyiraa ebe nang kyirá kii*nwa*. Nké nang ké nkyi éné, me nn/kúng achi ejí me oyén n-ri Otu, mú mu Óburúkpâbí mú o/rêe o-shwôm.

Azáya o/fu, ké dyije ńdyí Otu Ozáya o/kpú, me n/ri Óburúkpâbí mú mu Otu Kyítá. O/mû o/kyú ké kakyúng-butu emen ńké nyáám ne ofê ne byídí emen ḿbyí o/fé byi/sú kiǐtí-kyise-kyifen emen echi kyimúmú.

Kyi-yip dyimánge-okwâ ándyi kyi-ta mě ké byibî-ocím kyi-raa kyi/fu, dyimánge-okwâ ńdyín dii/ta byibî-ocím eyên. Kántîk kyibî ńkyí a/mû a/chi Osówo oo/pwoo ǒ kánkyí.

Biǐnyám ḿbyí mbyi ne bumang-okwâ ké byiko byi/bwom byi-wáp ǎ byi-fé ké otyém. Kiǐnyám nang kyirá kyi/mû ne abyibabang nyâchât. Biǐnyám ámbyi byi/yip abyibabang afee byi-cít bushú, afee byi-cít byiko, byi-yip nyí a/waa afee mbyi byi-byí i ké nyǐ.

Ne kiǐnyám kyibónge kyi-byí kyi-bâ kyísí kyi-kâm mě. Kyi/kám dyimánge-okwâ ké efámgbá ńdyí kyi/fîm ké kyikit-kyifen-Osówo echi.

Ne Óburúkpâbí kâng o-sét mě o/fu, nca n-da-sét banet kyitwóm ńkyín n/fu, nang ba-bwa ba-fwôo atông nǎ, baa*ba/chi ba-nyît dyishí*. Nang ba-bwa ba-tún achi nǎ, baa*ba/chi ba-nyît ńkyí nkyi kyi-chi i*.

Ne o-raa kâng ne me o/fu, chi atyém nyí banet ḿbén a-firi enyam ényam, atông ebe a-tim, ne achi ebe a-sêe, eringe nyí baa*rángê to* baa*jwo to chwǒm* ne baa*nyît to chwǒm*. Â ba/mû ba/chi byěm ḿbyín, ba-man n ebírî ba-kâm mě, n-chi kámbé ba-nyange.