Azáya 39
39
Banet-Kyitwóm ḿbé ba/fím Bábyílon
(2 Kyîng 20:12-19)
1Ké nkéré ámu, Otu Meródak mú wǎn-Baládan, mú o/mû otu mú Bábyílon, o/jwo ba/fu, Otu Hezekyâ mu o-rwôm m, ne o-twóm ǎ léta ne eyáré. 2Otu Hezekyâ o/koo banet-kyitwóm ámbe kanong, o-tông kámbé efang emen nyí o/fang, basyílyíba ne bagûl emen, bakút-kyinung emen ne kángkáng byiyám-byití emen. Chwǒm kyi*fí ké kyise emen* nang ké oshê emen* ńkyí o*da/tông kámbé*. 3Ne Azáya mú mu mkpábé mú odasét byiraa-Osówo o-dim o-kâm Otu Hezekyâ, o-bí ǎ o/fu, banet ḿbén ba/fím nyá, ne mbé ba/sét ǒ ebóng.
Otu Hezekyâ o-faa o/fu, ba/fím oshê mú tíbítíbí, ba/fím Bábyílon.
4Azáya o-chî ǎ ebí o/fu, mbé ba/ri ebóng ké kyibám-butu. O-faa o/fu, ba/ri kángkáng byěm. Chwǒm kyi*fí ké kyise* ńkyí n*da/tông kámbé*.
5Azáya o-sét kâng Otu Hezekyâ o/fu, Óburúkpâbí mú o/rêe o-shwôm o/sét o/fu, 6nkéré mu o-bâ mú ba/chi ba-yip kángkáng byěm ḿbyí mbyi ké kyibám-butu eyên, kángkáng byěm ḿbyí banchí eyên ḿbé kpákpá baa/rôo tete kyi-ribi dyicí ńdyí kurún ba-dim ne mbyí Bábyílon. Baa*mîng chwǒm nang kyibónge*. 7Bwǎn eyên ḿbé wo oyén a/fwon ba/chi ba-kúng kámbé ba-dim ne mbé ba-da-pê kámbé ba-firi bǎmgbán ké kyibám-butu ńkyí otu mú Bábyílon.
8Otu Hezekyâ o/jwo, o-kabe o/fu, bunyîn-dyityém ne kanong byi/chi byi-kyú ké nkéré mú nyǐ o/tôong okpó, ne o-faa o/fu, kyitwóm ńkyí wo aa/sét mě, ńkyí kyi/fím ne Óburúkpâbí, nkyi kanong.
Currently Selected:
Azáya 39: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
