Azáya 27
27
1Ké dyicí ándyi, Óburúkpâbí o/chi o-yip kiimbâng-kashwám emen ńké nke ne busa o-kye kiǐnyám-baya busông, kyibî-mgbalíp ánkyi ńkyí kyidanyibi byiko.
2Ké dyicí ándyi, Óburúkpâbí o/chi o-raa kyi-kim ne kyifát-byirim-byichí emen ńkyí kyinong o/fu, 3me mu n-tún n kánkyí m-pwó ng omu kángkáng nkéré ké nkyí. Mu m-bám m kánkyí buchú ne esû eringe nyí onet oo*ba/chi o-bên kánkyí*. 4Kafâ ka*fí to ka-sa ng mě ne kyifát ánkyi*. Â byiwong byi/mû kô kâng, m/mû n-nwa ng ne mbyí n-shí kámbyí kángkáng. 5Nké â banet-bushwôn-banet ejí mbe ba-ryuu ng ba/fu, me nku kámbé, babâ byi-chi kyikwáré ne mbé.
6Ké ací nyí nyi a-bâ, banet ḿbé Ézerel, ḿbé mbe kyikû-banet ńkyí Jekôp, ba/chi ba-tím eriri wǎ kyichí, ne ba/chi ba-byet, ba-chi ekong. Byirim ḿbyí ba/chi ba-zím byi/chi byi-cít ejíí emúmú.
7Óburúkpâbí o*da/kye Ézerel busông ḿbú bu/jê jangjang ne ḿbú o/kye banet-bushwôn ebe* nang banet emen ḿbé baa/tánê ba*da/jê jangjang ne ḿbé banet-bushwôn ebe*. 8Óburúkpâbí o/kye banet emen busông ḿbú o/twóm kámbé ba-jâ eshê ekíri. Nyǐ o/kúng kyibî-bufú ńkyí kyi/fím ké kyicê ńkyí esû nyi e-byí i o-yip kámbé o-dim ne mbé. 9Nké o/chi o-pwoo byibî ḿbyí Ézerel, â ba/kwa aká nyí mbe ba-sháng ng bakye ké nyǐ a-firi wǎ mpén, ne ké nkéré mú byikit-burwan eshí ne erím-bakye nyí osówo-onyinyi mú badakó Ashéra byi*fí to*.
10Oshê mú ba/mû ba/bi ekpe ba-wáp kámú oo/shí kángkáng. Baa/mîng kámú wǎ kyikim-dyikán ńkyí kyi*fí ne chwǒm*. Oo/bírî aro nyí bampong badaryí, kyikit ńkyí badarí ba-jáng, ba-ryí byiryíng. 11Byire-byichí bii/kpú byi-byíryî, ne banyinyi ba-kú ba-sá ng ekwón ké mbyí, ké nǎ, banet ámbe ba*fí ba-nyît ng chwǒm*. Osówo mú o/chi kámbé oo*ba/chi o-ri kámbé bafip* nang byiko byi-kpú ǎ ne mbé*.
12Ké dyicí ándyi, kyi-fím ké kace ńké Yuférétyis tete kyi-ribi ké buti ḿbú Éjip, Óburúkpâbí o/chi o-kpaa banet emen ké onet ké onet wǎ eringe nyí onet odacá esang-byichí ké biǐfâa.
13Â dyicí ándyi dyi/fyi, ba/chi ba-jwá ntán ba-kó kángkáng banet ḿbé Ézerel ké Asyírya ne ké Éjip, ḿbé ba/mû baa/jé ké eshê ányi. Mbé ba/chi ba-bâ ba-ba-fé Óburúkpâbí ké Jerúsélem, ké kaku-ociring emen.
Currently Selected:
Azáya 27: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
