1 Tyímótyi 5
5
Byěm ḿbyí byi/já ǒ kyi-kim ne Banet ḿbé ba/bángê ké Karâs
1*Dachi a-raa ne okínkán-onyinchéng*. Nké fé ǎ busa wǎ bonchí eyên. Tî bwǎn-byisat éné wǎ bwǎn-bané eyên. 2Tî bakínkán-banyinyi wǎ bané eyên, ne bwǎn-ásé wǎ bwǎn-bané eyên ḿbé banyinyi ne dyityém kpárám.
3Kye banyǐnkú ḿbé ké ntûntû mbe banyǐnkú ofê. 4Nké â onyǐnkú mu ne bwǎn, nang ne bwǎn ḿbé bwǎn emen ba/fwon, bwǎn emen ámbe ba-man ba-kwâa kpá eringe badachi bǎmkpóngé ḿbé ékwâbashi nyí Karâs kyi-kim ne kyikû-banet ebe. Ne ké bukwóp ḿbún, mbé ba/chi ba-ré banchí ne bané ebe, ne banchí ne bané ebe ḿbé bakínkán dyifwá. Ké nǎ, ńkyí ánkyi nké kyidanyîn Osówo. 5Onyinyi mú mu onyǐnkú ké ntûntû, ne o*fí ne onet nang obónge mú mu o-tún n ǎ* oo/yip okabe emen o-tî ké Osówo, ne mu o-fâ nshwam kángkáng nkéré, buchú ne esû, o-bí ng Osówo o/fu, ochwáp ǎ. 6Nké onyǐnkú mú mu o-yip ng byiko emen o-kyâ ké bunyîn-dyityém ḿbú ejíí ńnyín, onyǐnkú ámu oo/kpú nyáá, nang ké amu a-ri ng ǎ éné okpó. 7Kye kámbé kyije ńkyín, eringe onet nang obónge oo*ba/chi o-bîn kámbé*. 8Nké â onet o*fí o-tún n bwǎn-bané emen* aciringaciring banet ḿbé kyikû ńkyí emen* onet ámu oo/né dyityém efé ne Karâs ne mu kyibî-onet o-shwôm onet mú o*fí o-bángê e ké Karâs*.
9*Dafé dyizîn ńdyí onyǐnkú nang obónge ké burwám-banyǐnkú ḿbé banet-ékwâbashi nyí Karâs mbe ba-chwáp ng* tete onyǐnkú ámu oo/rí o-shwôm bajam-aje bachât, ne o-man o-kyú onyinyi mú o/bé otyép obónge. 10Banet to ba-man ba-bángê ba/fu, nyǐ mu o-chi i kanong, ne mu onyinyi mú o/tún bwǎn emen ba-kán ké bukwóp ḿbú bunong, o/koo bacinbánet ké kyise emen, ne o/soo byiká ḿbyí banet-Osówo, ne o/chwáp banet ḿbé ba/mû ké afaníkong, ne o/kúng byiko emen o-kye ké kángkáng azong-bǎmkpóngé nyí anong.
11Nké *dafé banyǐnkú ḿbé ásé ké burwám-banyǐnkú ḿbé banet-ékwâbashi nyí Karâs mbe ba-chwáp ng*. Ké ebóng, ké nkéré okabe ebe o-kú o-ryuu ng otyép, ba-bírî Karâs esim, 12ne ba-chi kyibî ńkyí ba/bên mbwôp kashú-ocím mú ba/ryí Karâs. 13Mbé mbe ba-kwâa ng to eringe nyí badabên nkéré ebe, ba-yêe ng ba-nung ng ké byise. Nké ńkyí kyi/bên kyi-shwôm nkyi něen, mbé baa/kwâa byibî-byiraa eraa kyi-kim ne banet, ne abwô efé ké byěm-banet ne byiraa eraa kyi-kim ne byěm ḿbyí ba/mû baa*ba/chi ba-raa*. 14Ké bubwô ámbu, kyi-nyîn n mě ńkyí banyǐnkú ḿbé ásé badabé batyép, ba-fwon bwǎn ba-kûtún byise ebe, eringe nyí baa*kye banet-bushwôn eten mpât mú badaraa byibî-byiraa kyi-kim ne be*. 15Ké nǎ, kyicê-banyǐnkú bakíri baa/bírî ba-kú ba-cen n ne Sátan. 16Nké â onyinyi mú o/bángê ké Karâs mu ne banyǐnkú ké kyikû-banet emen, onyinyi ámu o-man o-kûtún kámbé. Oo*man o-yip kámbé o-tû banet-ékwâbashi nyí Karâs ké dyishí* eringe nyí edaman etî banyǐnkú ḿbé ba*fí ne onet*.
17Bakínkán ḿbé mbe ba-chi i bǎmkpóngé ḿbé banong wǎ banet-ashí-ékwâbashi nyí Karâs ba/kwárê mú badakoo akpuga kampén kafee, aciringaciring ḿbé mbe ba-chi i bǎmkpóngé ne busa ḿbé Bǎmpém ḿbé Banong esét ne ḿbé byiraa-ékwâbashi etángê. 18Ké nǎ, ejá-Osówo nyí ba/sáng kyísí e/fu, *dachi a-bwá mpong ocím* ké nkéré o-kú o-cím m esang-byichí e-byí i ké biǐfâa e-róng ng kyísí*. Ne e/fu to, nchi bǎmkpóngé o/kwárê mú odakoo akpuga emen. 19*Dachi a-fwôo atông ké kyibî-chwǒm ńkyí ba/fu, okínkán o/chi* tete bantûesé ba-kyú bafee nang bachât kyi-kim ne nkyí. 20Bîn kángkáng banet ḿbé mbe ba-chi i byibî, eringe banet ḿbé áku badakûshî.
21Ké bushú ḿbú Osówo ne ké ḿbú Jisos Karâs ne ké ḿbú barím ḿbé banong nké me mu n-kuri ng ǒ ekó n/fu, chi eringe byiraa ḿbyín byi/sét, *chí eringe nyí byidachwáp onet mún* mú áku o-waa* nang ké bukwóp ḿbú acît eryí* ké chwǒm nang kyibónge ńkyí amu a-chi i*. 22*Dadûu ké abwô etwôom ké byiko ḿbyí banet ḿbé badachi bǎmkpóngé ḿbé Otu Kyítá*. *Dakyú ne abwô ké byibî ḿbyí banet*. Tî byiko eyên kpárám.
23*Dachîjwáp omu nké nke* nké jwáp kaǎnyín-bato ńké kadachi byiryíng eyên byi-sáng ké bubwô ḿbú amu a-jang ng erwôm kángkáng nkéré.
24Byibî ḿbyí banet bakíri mbyi wááng, ne byibî ebe mbyi byi-cen n ne mpan. Nké ḿbyí banet ḿbé áku ba-ri ng kámbyí ké nkéré kaa/bwon. 25Ké dyizong-bukwóp ámbu bubónge, byěm ḿbyí byinong echi mbyi wááng, ne nang ḿbyí byi*fí wááng kanong kanong* bii*nwa erôo*.
Currently Selected:
1 Tyímótyi 5: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
