1 Tyímótyi 4
4
Bantánge Byěm kyi-kim ne Osówo ḿbyí byi*fí ké Kafâ*
1Busun-Osówo mbu bu-sét ng wááng bu/fu, banet bakíri ba/chi ba-mîng atyém ebe nyí ba/fé ne Karâs ké nkéré mú mu o-bâ. Mbé ba/chi ba-kûchi ńkyí bací ḿbé badasét kyisédéng mbe ba-sét ng, ba-chi to byěm ḿbyí byibî-bací mbyi byi-tángê e. 2Byěm ḿbyín ḿbyí mbe ba-tángê e mbyi byi-fím m ne bannîm banet ḿbé mbe bansêt byisédéng, ne ḿbé atyém ebe a/firi wǎ ba/tím kányí ba-ju ké osông mú oo/sóng o-bwam. 3Azong-banet ányi nyi a-tángê e a/fu, kii*nwa ńkyí adabé onyi* ne ńkyí adaryí azong-byiryíng akíri*. Nké Osówo o/chi byiryíng ḿbyín o/fu, banet ḿbé ba/bángê ké Karâs, ne baa/nyît ntûntû baryí kámbyí ké nkéré baa/kó ǎ asǎma. 4Chwǒm nang kyirá ńkyí Osówo o/chi nkyi kanong. Chwǒm kyi*fí ńkyí badané* nké bakoo kánkyí ne asǎma ekó*. 5Ké nǎ, ejá nyí Osówo ne asǎma ekó ányi byi-chi i kánkyí kyi-firi chwǒm ńkyí kyinong ké bushú ḿbú Osówo.
Ḿgbán mú Onong mú Jisos Karâs
6Wo a/chi a-kyú ḿgbán mú onong mú Jisos Karâs, mú Osówo mu o-nen n ké byiraa emen ḿbyí byi/kim ne dyityém efé ne Karâs, ne ké byěm ḿbyí otánge mú ntûntû ḿbyí amu a-chi i, â a/kye barî-banet eten bacê ḿbén. 7Nké né biǐshwô ámbyi ḿbyí kpákpá ḿbyí byi*da/kim ne Osówo enyît*. Ḿbyí byi*da/kwárê ḿbyí badasét*. Waa ké byiko eyên etángê, ké dyikpen ńdyí Osówo ekyú. 8Enyam-byiko enáng ké acáá echi kyi-chwáp ng enyam-byiko, nké dyityém enáng dyi-chwáp ng ké akwóp amúmú, ké nǎ, ndyí ndyi dyi-ryí i ocím mú dyikpen ekye kántîk, ne ké nkéré mú mu o-bâ. 9Ńkyín nkyi chwǒm ńkyí ba/sét ntûntû ne kyi/kwárê ńkyí badakoo kánkyí kerededet. 10Ké bubwô ámbu nké byimu byi-kan n byi-chi bǎmkpóngé byi-fé busa, ké nǎ, bii/tî achi eten ké Osówo mú mu okpó, mú mu Onet-Onyii mú kángkáng banet, aciringaciring banet ḿbé mbe ba-bángê e ké Karâs.
11Kye busa a-tángê byěm ḿbyín. 12*Dachi a-bángê onet nang obónge o-kye ǒ edángé* ké ebóng, wo amu wǎsíng*. Nké kyú wǎ kyiká-bucen ńkyí banet ḿbé ba/bángê ké Jisos, ké byiraa eyên ne ké édúú eyên ne ké kyijé eyên ne ké dyityém eyên efé ne Karâs ne dyityém kpárám. 13Tî nkéré eyên ne busa eyên ké ejá-Osówo ekó gbúúl nyí ba/sáng kyísí ne ké Bǎmpém ḿbé Banong epem ne ké byiraa-Osówo etángê tete m-bâ. 14*Dachi a-né eyáré nyí amu ne nyǐ* nyí Osówo o/kye ǒ ké nkéré mú bamkpábé ḿbé badasét byiraa-Osówo ba/raa, ne banet-ashí-ékwâbashi nyí Karâs ba-twôom ǒ abwô ebe ké byiko*. 15Kûchi byěm ḿbyín kángkáng nkéré, a-yip byiko eyên a-kye ké mbyí, eringe nyí kángkáng banet badari ba/fu, wo amu a-câ kashú. 16Bám byiko eyên ne byěm eyên to ḿbyí amu a-tángê e. Chi byěm ḿbyín a-ca kashú, ké ebóng, â amu a-chi i kámbyí, wo a/chi a-nyángê byiko ḿbyí eyên, cibicibi ne banet ḿbé mbe ba-jwo ng ǒ.
Currently Selected:
1 Tyímótyi 4: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
