BALA LUK LINIO 15
15
Melaikat Dengan Dereh Luk Kekiped
1Idi teh ui nenier aceh tanu' luk déi' langit luk pelaba rayeh idi luk inan mawa. Inan tudu' melaikat luk ngimet tudu' dereh luk kekiped; ngaceku bang ineh amung-amung useh Allah pangeh meriput.
2Idi ui nenier mepad kudeng ayu abpa' rayeh luk mesor puar dengan apui, idi amung-amung lemulun luk pangeh metueh ratnan pung ineh idi akangneh, idi lemulun luk kuan ngadanneh ineh pangeh iniap, tuped tangeb abpa' rayeh luk mesor, idi ideh nengimet amung-amung giula' Allah. 3#Pur 15.1 Ideh menani ku nani Musa, demulun Allah ineh, idi nani Allah Dumba ineh teh, kenanideh,
“Tuhan, Allah luk Melalud,
kekamenMu rayeh idi inan mawa!
O Raca' amung-amung pupu,
amung dalanMu mesiri idi matu!
4 #
Yer 10.7; Nani 86.9 Idéké luk na matot Namu, O Tuhan?
Idéké luk ara' mada' rayehMu?
Iko sebuleng mo' luk meligan.
Amung-amung pupu miak amé' sembayang pa kiungMu,
ngaceku kekamenMu luk matu pangeh megala'.
5 #
Pur 38.21
Pangeh ineh ui nenier ruma' Allah dengan Lepo su luk inan papu' Tuhan luk pangeh mukab déi' surga. 6Idi tudu' melaikat neremuat rat bang ruma' Allah ineh. Ideh ngimet tudu' dereh ineh, idi nengayung ku kibung pu luk mebuda' idi merasat, idi ruukdeh inabet ku nuper amas. 7Idi sebuleng ratnan apat pudut luk mulun ineh nemaré bigan amas kuan tudu' melaikat, luk panu' ku useh Allah luk mulun ruked-ruked ineh. 8#Pur 40.34; 1 Rac 8.10–11; 2 In 5.13–14; Yes 6.4 Idi ruma' Allah ineh pinu' ku rabpun luk ratnan rayeh Allah, idi ratnan laludNeh; idi seburur pana' na miak semuet bang ruma' Allah ineh pad tudu' dereh luk bang palad tudu' melaikat ineh mabud.
Currently Selected:
BALA LUK LINIO 15: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
