YEREMIA 47
47
Bala Tuhan Ratnan Lun Pilistin
1 #
Yes 14.29–31; Yeh 25.15–17; Yo 3.4–8; Am 1.6–8; Sep 2.4–7; Sek 9.5–7 Kareb nateh raca' Masir nemunu' Gasa, Tuhan nepebala ni Nabi Yeremia ratnan lun Pilistin. 2KebalaNeh,
“Siruh! Abpa' temubu' pa tinueh busat aco,
idi miak manud mepad kudeng tubu' belen,
lun ngereb amung tana' idi amung luk luun tana' pana',
do' amung bawang idi lemulun luk tudo bang ineh.
Lemulun miak ngitang mutuh pedengan,
idi amung lemulun bang tana' ini miak nangi'.
3Ideh miak ninger uni kukud kuda,
idi uni keréta idi uni rodadeh.
Taman-taman na miak lemubed ngalap anakdeh
idi ticu'deh melaya' peh.
4Tarekneh pangeh nacing kareb Pilistin uen ngusag,
pad na lun ngedengan Sur idi Sidon.
Ui ini Tuhan miak ngaté nelun Pilistin,
ieh ineh amung lun luk nacing rat bawang Kaptor
luk tangeb abpa' rayeh.
5Susa' luk rayeh pangeh nacing kuan lun Gasa,
idi pupu Askelon pirud mo'.
Tuda' ioké lun Pilistin luk ketecan miak temido?
6Muyuh ngitang, ‘O pelapet Tuhan!
Tuda' ioké iko narad?
Do' iko lemubed amé' bang binanmu
idi ngato erurmu.’
7Kudeng apehké ieh miak ugka',
ngaceku Ui maré kekamen kuanneh?
Ui nengecuk neneh munu' bawang Askelon,
idi lemulun luk tudo tangeb abpa' rayeh.”
Currently Selected:
YEREMIA 47: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
