YEREMIA 45
45
Jani' Allah Kuan Baruk
1 #
2 Rac 24.1; 2 In 36.5–7; Dan 1.1–2 Bang lak luk keapat kareb Yoyakim Yosia ngimet Yahuda idi Baruk Neria nengayud luk bila Yeremia neneh. Kebala Yeremia ni Baruk, 2“Tuhan Allah lun Israil nepebala, 3‘O Baruk, kebalamu, Ui pian ugka', ngaceku Tuhan pangeh nengula' susa'ku! Ui merur ngarod idi na miak ngato erurku!’ ”
4Idi Tuhan nengecuk ni Yeremia pebala ni Baruk, “Ui ngusag luk pinudutKu, idi mubput luk tinibuKu. Ui miak nganau' luk kudeng ini aput tana'. 5Miakké iko nakap luk meluun do' kuan bururmu sebuleng? Aleg nganau' kudeng ineh. Ui ngacing susa' kuan amung lemulun, iamo' iko miak mepuit idi mulun, iapeh-iapeh luk ulekmu. Ui ini Tuhan pangeh nepebala.”
Currently Selected:
YEREMIA 45: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
