प्रकाश 19
19
मुक्तिक गीत
1तबदोस्र स्वर्गम मनैन्हक भारी भीडक आवाजअस असिक कहट् मै सुन्नु,
“परमेश्वरक प्रशंसा ह्वाए!#१९:१ हिब्रू भाषम हल्लेलूयाह कैजैठा। (३, ४, ६ पद फे हेरी।)
मुक्ति, महिमा ओ शक्ति परमेश्वरक हुइटन।
2उहाँ ठीक न्याय कर्ठ
ओ उहाँक न्याय सत्य बाटन।
आपन व्यभिचारम सारा पृथ्वीह
भ्रष्ट बनैना उ वेश्यह उहाँ सजाय देरख्ल।#व्य ३२:४३; २ राज ९:७
उहाँ आपन सेवकन्हक रगतक बद्ला ओइहेसे लेरख्ल।”
3हुँक्र फेदोस्र एकचो बरा सोरले कल,
“परमेश्वरह प्रशंसा ह्वाए,
उ महाभारी सहरह ध्वस्त पर्ना
आगीक धूवाँ सड्डभर उप्पर जैटीरठा।”#यशै ३४:१०
4तब उ चौबीस धर्मगुरु ओ उ चार प्राणीहुँक्र सिंहासनम विराजमान रहल परमेश्वरह दण्डवत् कर्ल ओ असिक कैक जयजयकार कर्ल,
“आमेन,
परमेश्वरक प्रशंसा ह्वाए!”
5तब सिंहासनमसे बरा सोरम असिक कहट् सुनमिलल्,
“उहाँक आदर करुइयन,
छोटीबरा सबजन
परमेश्वरक प्रशंसा करो।”#भज ११५:१३
6तबदोस्र मनैन्हक भारी आवाजअस ओ छाँगमसे गिर्ना पानीक गर्जनअस ओ बद्री थर्कअस आवाज मै सुन्नु,#इज १:२४; भज ९३:१; ९७:१; ९९:१
“परमेश्वरक प्रशंसा ह्वाए!
काकरकि परमप्रभु हमार परमेश्वर सर्वशक्तिमान् बाट।
7हम्र खुशी हुई, रमाई
ओ उहाँक महिमा करी!
काकरकि पठ्रूक भ्वाजक समय आगैल्।
उहाँक दुल्ही अपन्हे तयार होरली।
8चह्कार ओ सफा मलमलिक लुगा
लगाइक लाग देगैलन।”
चह्कार मललिक लुगा कलक परमेश्वरक भक्त मनैन्हक धार्मिक काम हुइटन।
9तबदोस्र उ स्वर्गदूत महीह असिक कैक अह्रैल, “यी लिखो, पठ्रूक भ्वाजम निउटा पउइयन धन्य हुइट।” तब स्वर्गदूत महीह फेदोस्र कल, “परमेश्वरक सत्य वचन यिह हो।”#मत्ती २२:२-३ 10तब स्वर्गदूतह आदर करक लाग मै हुँकहार पाउ पर्नु, तर ऊ महीह कल, “टुँ महीह असिक जिन करो। मै त टुँहार भैयनसे ओ येशूक सत्य वचन मन्ना सबजहनसे काम कर्ना परमेश्वरक सेवक केल हुइटुँ। परमेश्वरह केल दण्डवत करो! काकरकि प्रभु येशू ख्रीष्टक प्रकट करल सत्यले जो अगमवक्तन प्रेरणा देठा।”
उज्जर घोर्वकम सवार
11मै स्वर्ग उघ्रल देख्नु ओ उहाँ एकठो उज्जर घोर्वा रह। वाकरम सवार करुइया “विश्वासिलो ओ सत्य” कैजैठ। उहाँ ठीकसे न्याय कर्ठ ओ लडाइँ कर्ठ।#इज १:१; भज ९६:१३; यशै ११:४ 12उहाँक आँख आगीक ज्वाँजाअस रलहन, ओ उहाँक शिरम धेर मुकुट लगाइल रलहन। उहाँकम एकठो नाउँ लिखल रलहन, उ नाउँ उहाँह बाहेक और कौनोजहन थाहाँ नैरलहन।#दान १०:६ 13उहाँ रगतम ब्वारल लुगा लगैलरलह। उहाँक नाउँ “परमेश्वरक वचन” रलहन। 14स्वर्गक सेनाहुँक्र सफा उज्जर मलमलिक लुगा लगाक, उज्जर घोर्वकम चिहुर्क उहाँक पाछपाछ लग्ल। 15उहाँक मुहमसे एकठो धर्यार तरवाल निक्रल रलहन। उह तरवालले उहाँ जाति-जातिक मनैन कटुइयाबाट, ओ हुँकन्हकम कर्रा शासन करुइयाबाट। उहाँ कोलम अङ्गूर पेर्क रस निकारअस सर्वशक्तिमान परमेश्वरक रिसक कोलम हुँकन पेर्नेबाट।#भज २:९; यशै ६३:३; योए ३:१३; प्रका १४:२० 16उहाँक लुगा ओ जाङ्घम “राजाहुँकन्हक राजा ओ प्रभुहुँकन्हक प्रभु” कना नाउँ लिखल रलहन। 17तब मै एकठो स्वर्गदूतह दिनम ठह्र्याइल देख्नु। ऊ आकाशम उर्टिरहल सब चिँरैन बरा आवाजले असिक कल, “आओ, परमेश्वरक भारी भ्वाजभत्यारम जम्मा होओ।#इज ३९:१७-२० 18टुह्र राजाहुँकन्हक, सेनापतिन्हक, शक्तिशाली मनैन्हक, घ्वारन्हक ओ उहिँम सवार हुउइयन्हक, फुक्का ओ कमारा-कमारीन्हक, छुटी ओ बरा सबजन्हक शिकार खाओ।” 19तब उ जनावर ओ संसारक राजाहुँक्र आपन-आपन सेनन् लेक उज्जर घोर्वकम सवार हुउइयक ओ उहाँक सेनन्हक विरोधम लडाइँ कर जम्मा हुइल् मै देख्नु। 20तब उ जनावर ओ वाकर उपस्थितिम अचम्मक चिन्ह देखैना झूटा अगमवक्ता दुनु पक्राउ पर्ल। असिन अचम्मक कामसे उ झूटा अगमवक्ता उ पशुक छाप लेना ओ मूर्तिपूजा करुइयन छल कैरख्लहा। उ दुनु जन बर्टिरहल गन्धकक् आगीम जिटीह फाँक्गैल।#प्रका १३:१-८ 21बाँकी रहुइयनजुन घोर्वकम सवार हुउइयक मुहमसे निक्रल् तरवालले मुवागैल, ओ सब चिरैँ हुँकन्हक शिकार अघाअघा खैल।
Currently Selected:
प्रकाश 19: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
