प्रकाश 17
17
महावेश्यक सजाय
1सात खोर्या लेना सातठो स्वर्गदूतमध्ये एकठो म्वार पञ्ज्र आक कल, “आओ, उ महावेश्या कसिक सजाय पैठ्या कैक मै टुँहन देखैनेबाटुँ। उ महावेश्या धेर लद्यक किनारम बनल महानगर हो।#यर ५१:१३ 2संसारक राजाहुँक्र उ वेश्यसे व्यभिचार कैरख्ल ओ संसारक मनै वेश्यक व्यभिचारक मदले मट्वार होरल।”#यशै २३:१७; यर ५१:७
3तब मै पवित्र आत्मले भरिपूर्ण हुइनु ओ स्वर्गदूत महीह उजार ठाउँओर लैगैल। उहाँ मै लाल जनावरकम चिउह्रल् एकठो जन्नीमनैयह देख्नु। उ जनावरक सातठो मुन्टा ओ दशठो सिङ रलहस, ओ परमेश्वरह अपमान कर्ना नाउँ वाकर जीउभर लिखल रलहस।#प्रका १३:१ 4उ जन्नीमनैया चहकार बैजङ्ग्यार ओ लाल लुगा लगैलरह ओ स्वान, महङ-महङ मोतीक गहनाले जीउभर सिँगारल रलहस। वाकर हाँठम स्वानक एकठो खोर्या रलहस। उ खोर्या वाकर व्यभिचारक घिनलग्टिक फुहर चिजले भरल रलहस।#यर ५१:७ 5वाकर लिल्हारिम एकठो गुप्त नाउँ लिखल रलहस, “महाबेबिलोन, संसारक सब वेश्या ओ घिनलग्टिक काम करुइयन्हक डाई।” 6परमेश्वरक भक्तजनहुँकन्हक रगत ओ येशूक शहीदहुँकन्हक रगत पिक उ जन्नीमनैयह लट्ठ परल देख्नु।
ओहीह देख्क मै धेर छक्क पर्नु। 7तब उ स्वर्गदूत महीह कल, “टुँ काजे छक्क पर्लो?” उ जन्नीमनैया ओ ओहीह बोकुइया सातठो मुन्टा ओ दशठो सिङ रहल जनावरक रहस्यक अर्थ मै टुँहीन बट्वैनेबाटुँ। 8टुँहार द्याखल उ जनावर एक समयम रह, तर आब नैहो, ओ गहिँर पातालमसे उप्पर निक्रुइया बा ओ नाश हुउइया बा। संसारक मनै, ज्याकर नाउँ संसारक उत्पत्तिसे जीवनक किताबम लिखल नैहुइटन, हुँक्र उ जनावरह देख्क छक्क पर्नेबाट, काकरकि एक समयम उ जीवित रह, आब मुरहल। तर पाछ फेदोस्र देखपर्नेबा।#दान ७:७; प्रका ११:७; भज ६९:२८
9“यी बात बुझक लाग ज्ञान ओ बुद्धि चहठा। उ जनावरक सातठो मुन्टा कलक सातठो पर्वत्वा हो, जहाँम उ जन्नीमनैया बैसल् बा। 10हुँक्र त सातठो राजाहुँक्र फे हुइट, पाँचठो राजन्हक पतन होगैलन, छैठवाँ राजा शासन कर्टिबा, ओ सातवाँ राजा आम्ही अइल नैहो। ऊ अइलसे कुछ समयक लाग केल राज्य कर्नेबा। 11कौनो समयम जीवित रह, तर आब मुस्याकल, उ जनावर त आठवाँ राजा हो। उ राजा सातठोमध्ये एकठो हो ओ वाकर फे नाश हुइनेबाटस।
12“टुँहार द्याखल दशठो सिङ कलक दशठो राजाहुँक्र हुइट, तर हुँक्र राज्य कर नैपैल हुइट। तर हुँक्र डान्चे समयक लाग उ जनावरसे राजक अधिकार पैनेबाट।#दान ७:२४ 13यी दशठो राजन्हक एक्क उद्देश्य बाटन ओ हुँक्र आपन शक्ति ओ अधिकार उ जनावरह सुम्पनेबाट। 14हुँक्र पठ्रूक विरोधम लडाइँ कर्नेबाट, तर पठ्रू आपन बलागैल् ओ रोजगैल् विश्वासी भक्तहुँकन लेक हुँकन जित्नेबाट, काकरकि उहाँ प्रभुहुँकन्हक प्रभु ओ राजाहुँकन्हक राजा हुइट।”
15स्वर्गदूत महीह यी बात फे कल, “वेश्या बैसल पानी जौन टुँ द्याखटो, उ विभिन्न देश, जाति, भाषक मनै हुइट। 16टुँहार द्याखल उ दशठो सिङ ओ जनावर उ वेश्यसे शत्रु होजैहीँ। वाकर सब चिज लुट्क ओहीह नङ्गा बनैहीँ। वाकर शिकार खैहीँ ओ आगीले भसम पारदेहीँ। 17काकरकि परमेश्वर आपन उद्देश्य पूरा कर्ना मन हुँकन देरख्ल ओ परमेश्वरक कहल वचन पूरा नैहुइट्सम हुँक्र एकजुट होक काम कर्नेबाट, आपन राज्य कर्ना अधिकार उ जनावरह देहुइयाबाट। 18टुँहार द्याखल उ वेश्या संसारक सब राजन्हकम शासन कर्ना महानगर हो।”
Currently Selected:
प्रकाश 17: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
