प्रकाश 16
16
परमेश्वरक रिसक सात खोर्या
1तब मन्दिरमसे आइल् एकठो बरा आवाजम सातठो स्वर्गदूतन मै असिक कहट सुन्नु, “जाओ, ओ परमेश्वरक सातठो खोर्यक रिस पृथ्वीम खन्ह्यादेओ।”
2तब पहिल स्वर्गदूत जाक आपन खोर्या पृथ्वीम खन्ह्यैल, खन्ह्यैलक कारणले उ जनावरक छाप रहल ओ उ मूर्तिह पूजा कर्ना मनैन्हकम घिनलग्टिक बठैना घाउ-खाटी निक्रलन।#प्रस ९:१०
3तबदोस्र द्वासर स्वर्गदूत आपन खोर्या समुद्रम खन्ह्यैल त समुद्रक पानी मनैन्हक रगतअस होगैल् ओ समुद्रम रहल सब जीवित प्राणी मुगैल।
4तबदोस्र तीसर स्वर्गदूत आपन खोर्या लद्या ओ पानीक मूलम खन्ह्यैल, त सब रगत होगैल्।#प्रस ७:१७-२१; भज ७८:४४ 5तब पानीक जिम्मा लेना स्वर्गदूत असिक कहट् मै सुन्नु,
“हे पवित्र परमेश्वर, अप्न जे बाटी, जे रलही,
अप्न यी न्याय कर्लकओर्से
अप्न ठीक बाटी।
6हुँक्र अगमवक्तन्हक
ओ भक्तजनहुँकन्हक रगत बहैल।
उहओर्से अप्नहुँकन रगत पिय लगैली।
हुँक्र यी सजाय पाइपर्ना रलहन।”
7तबदोस्र वेदीमसे असिक कहट् एकठो आवाज मै सुन्नु,
“सर्वशक्तिमान् परमप्रभु परमेश्वर,
अप्नक न्याय जाट्टीसे ठीक ओ सत्य बा।”
8तबदोस्र चौथा स्वर्गदूत आपन खोर्या सूर्यम खन्ह्यैल ओ घाम मनैन डहैना शक्ति पाइल। 9घामक बर्का रापले मनै डहल, यी दुःख विपत्ति अनाइसेक्ना परमेश्वरक नाउँह हुँक्र धिक्कर्ल, बेनसे हुँक्र आपन पापी मन परिवर्तन नैकर्ल ओ परमेश्वरक महिमा फे नैकर्ल।
10पाँचवाँ स्वर्गदूत आपन खोर्या जनावरक सिंहासनम खन्ह्यैल त वाकर राज्य अन्धार होगैलस। मनै दुःखकष्ट सह नैसेक्क आपन-आपन जीभ कचर्ल।#प्रस १०:२१ 11हुँकन्हक घाउ-खाटीक दुःखले हुँक्र स्वर्गक परमेश्वरह सरप्ल। तर आपन करल कुकर्मसे मन परिवर्तन कैक परमेश्वरकठे घुम्ना बात अस्वीकार कर्ल।
12तबदोस्र छठवाँ स्वर्गदूत आपन खोर्या महाभारी लद्या यूफ्रेटिसम खन्ह्यैल, त पानी सुख्गैल्, तब पूरुवसे अइना राजन्हक लाग डगर तयार हुइल्।#यशै ११:१५ 13तबदोस्र अजगरक मुहमसे, जनावरक मुहमसे ओ झूटा अगमवक्तक मुहमसे बेङ्ग्वाअस देखपर्ना तीनठो घिनलग्टिक आत्मा निक्रट् मै देख्नु। 14हिँक्र चमत्कार देखैना दुष्टात्मा हुइट। सर्वशक्तिमान् परमेश्वरक महान दिनम यी तीनठो दुष्टात्मा सारा संसारम राजन्हकठे जाक लडाइँ करक लाग हुँकन जम्मा कर्ठ।
15“सुनो, मै चोर्वा आइअस सुटुक्क अइनेबाटुँ। जे जागा बैस्ठा ओ आपन लुगक सुरक्षा कर्ठा ऊ धन्य हो। नकि त उ मनैयह नङ्ट न्याङ्ग परिहिँस ओ मनैन्हक आघ लाज मुवपरहिँस।”#मत्ती २४:४३-४४; लूक १२:३९-४०; प्रका ३:३
16हुँक्र उ राजाहुँकन हिब्रू भाषम आर-मागेड्डोन कना ठाउँम जम्मा करादेल।
17तबदोस्र सातवाँ स्वर्गदूत आपन खोर्या आकाश-मण्डलम खन्ह्यैल त मन्दिरक सिंहासनमसे एकठो असिन बरा आवाज आइल, “आब ओराइल।” 18तब बिज्ली चम्कल, बद्री घुर्कलक आवाज आइल ओ डरलग्टिक भुइँचाल गैल्। अत्राभारी भुइँचाल गैल् कि मनैन्हक सृष्टि हुइलठेसे कबु फे नैगैल रह।#प्रका ८:५; ११:१३,१९ 19उहाँसेकि उ भारी सहर टुक्रा-टुक्रा होक तीन भाग हुइल् ओ देश-देशक सहर सब नाश हुइल्। परमेश्वरह महान बेबिलोन सहरक याद अइलन, उहाँक डरलग्टिक रिस उ सहरम झर्ल।#यशै ५१:१७ 20सब टापु बिलागैल्, पर्वत्वा बेपत्ता होगैल्।#प्रका ६:१४ 21पचास-पचास किलोक पत्थ्रा मनैन्हकम वर्षलग्लन। मनै पत्थ्रापानीक विपत्तिले परमेश्वरह सराप लग्ल, काकरकि यी भारी विपत्ति रह।#प्रस ९:२३; प्रका ११:१९
Currently Selected:
प्रकाश 16: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
