प्रकाश 15
15
सात स्वर्गदूत ओ आखिरी विपत्ति
1तब मै आकाशम और एकठो बराभारी ओ अचम्मक चिन्ह देख्नु। सात जन स्वर्गदूतहुँक्र एक-एकठो विपत्ति लेल्हरलह। उ त परमेश्वरक क्रोधक सातठो आखिरी विपत्ति हो।
2तबदोस्र मै आगी मिलल् सिसक समुद्रअस देख्नु। उ जनावर, वाकर मूर्ति ओ वाकर नाउँक सङ्ख्याम विजय प्राप्त कर्ना सबजन परमेश्वरक देहल वीणा लेल्ह-लेल्ह उ सिसक समुद्रक किनारम ठह्र्याइल रलह। 3परमेश्वरक सेवक मोशक गीत ओ पठ्रूक गीत हुँक्र गाइटलह,
“सर्वशक्तिमान् परमप्रभु परमेश्वर,
अप्नक काम कत्रा महान् ओ अचम्मक बा।
जाति-जातिक राजा,#प्रस १५:१
अप्नक योजना धार्मिक ओ सत्य बा।
4हे परमप्रभु, अप्नक डर के नैडराइट्?
ओ अप्नक महिमा के नैकरट्?
काकरकि अप्न केल पवित्र बाटी।
सब जातिक मनै आक अप्नह दण्डवत् करहीँ।
काकरकि अप्नक धार्मिक काम सबजन देखरख्ल।”#१०:७; भज ८६:९
5तबदोस्र मै हेर्नु त स्वर्गम रहल परमेश्वरक मन्दिर उघारगैल् देख्नु, जौन मन्दिर “परमेश्वरक उपस्थिति देखैना” एकठो पवित्र पाल रह।#प्रस ३८:२१ 6सातठो विपत्ति लेक सातठो स्वर्गदूत उहिँमसे निस्कल। हुँक्र सफा ओ चह्कार लुगा लगैलरलह ओ आपन छातीम स्वानक पेटी बहन्लरलह। 7तब उ चारठो जीवित प्राणीमध्ये एकठो प्राणी उ सातठो स्वर्गदूतन सातठो स्वानक खोर्या देल। उ सातठो खोर्यम सड्डभर जीवित रना परमेश्वरक क्रोध रह। 8परमेश्वरक महिमा ओ शक्तिसे निस्कल धूवाँले मन्दिर भरगैल्। उ सातठो स्वर्गदूतहुँक्र लेहल सातठो विपत्ति नैओराइट्सम कुई फे मन्दिरभित्तर पैँठ नैस्याकल।#प्रस ४०:३४; १ राज ८:१०-११; २ इति ५:१३-१४; यशै ६:४
Currently Selected:
प्रकाश 15: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
