Mark 8
8
Jesus Niqhiuqtuq 4000nik
1Taimani inuit katitpiarmijut, niqairutiplutik. Jesusim tuqhulauqtait malirutini, 2“Nagligijatka ukua inuit. Uvamniittut pingahuni upluni, niqikhaiqtut. 3Angilrauqugupkit kaaktumik, naapkutiniaqtut ainahuaqtillutik. Ilangit unngahiktumit qaihimajut.”
4Malirutaita kiujaat, “Qanuq hamani hunaqanngittumi niqikhaniutiniaqqita?”
5Jesus apiqhiuq, “Qaffinik muqpaujaqaqqit?”
Tapkuat kiujaat, “7nik.”
6Jesusim inuit ingitqujait nunamut. Aahiit tigujait 7 muqpaujat qujatjutigilraaqhugit avguqtait. Tunijait malirutiminut, tuniuqhaijukhat inungnut. 7Qaffinuallu mikijut iqaluit nanijaujullu, Jesusim qujatjutigilraaqhugit malirutini tuniuqhaiqujait.
8Niriqpiaqtut naammakhiplutik. Nirihuirmata, katitirijut malirutait 7nik puunik amiakkunik. 94000ngujungnaqhiut inuit talvuuna, Jesusim angilraupkaqtait nirihuirmata. 10Qilamiglu, malirutinilu qajakkut ikkaujut nunamut Dalmanutham mighaani.
Phariseet Takujumajut Arlingnaqtumik
11Phariseet tuharamik Jesus tikittumik, qaijut qaniliqhugu, uktuqhugu, haqqitiquplugu arlingnaqtumik qilangmit.
12Tuharamigit, aniqhaumijumiqhuni uqallaqtuq, “Huuq ukua inuit uplumimiut tukhiqqat arlingnaqtumik? Ilumuuqtumik uqautijaffi, naunaitkutarmik haqqitittiunaittunga.” 13Qajarmut ikiffaaqtuq qimakhugit, ikaungmijut akianut.
Phariseet Herodlu Puvallaqqutinginnik
14Malirutait puigurniqhutik niqilgiariami. Atauhiinnamik muqpaujalriaqtut. 15Jesusim qajagiqujait, “Qajagiluhi mihigimanahuagluhi Phariseet Herodlu puvallaqqutinginnik.”
16Qanngutilaqijut muqpaujalriannginamik. 17Jesus ilihimagami uqauhiinnik, uqautijait, “Huuq qaniliqqihi muqpaujanik? Ilihimanngitpihi kangiqhianngitpihi hulii? Uummatihi qutjaumavallaaqqaalluunniit? 18‘Iiqaqtutit—tautunngillatiit? Hiutiqaqtutit—tuhaanngillatiit?’ Itqaumanngiltpihi? 19Niqhiurama 5000nik muqpaujanik talimanik, qaffinik amiakkunik katitirivihi?”
“12nik,” kiujaat.
20“Niqhiuramattauq 4000nik saivanik muqpaujanik, qaffinik amiakkunik katitirivihi?”
“7nik,” kiujaat.
21“Kangiqhijuittuhi hulii?” apirijait.
Jesus Nakuuhipkaijuq Takpiittumik Angunmik
22Tikinnamik Bethsaidamut, inuit qarritjiut angunmik takpiitumik aktuquplugu. 23Jesusim tahiuqhugu takpiittuq igluqarvingmit aullautijaa. Ahiit tivvuaqhugik iingik, algangminut kahaktaa apiriplugu, “Takuttaaliqqiit?”
24Angun avatiminut qiniqtuq. “Ii,” uqallaktuq, “takuvunga inungnik kihimi takpiivjaktumik. Napaaqtutut ittut pihuktut.”
25Jesusim algangni ilingmijaik iinginnut iingik angmaqtuk. Takpikhiqpiaqhuni. 26Jesusim ahinungauqujaa uqautiplugu, “Igluqarvikkuuqtailutit angilrauliruvit.”
Peterm Nipliutigijaa Jesusim Kinaunia
27Jesus malirutinilu aullaqtut Galileemit igluqarninut Caesarea Philippi qanigijaanut. Pihukhutik, Jesusim apirijait, “Inuit kinaunahugivan'nga?”
28Kiujaat, “Ilangit John Baptaiqtiunahurijaatit, ilangittauq Elijaunahugijaatit aallanittauq nalauttaijiunahugijaujutit.”
29Apiringmijait, “Iliffi kinaunahugivinga?”
Peterm kiujaa, “Messiangujutit.”
30Jesusiup nutqaqtitait uqautiplugit inungnut kinaunini uqariqunngittugu.
Jesusim Nalauttaaqtaa Tuquvikhani
31Jesus unipkaliqtuq Inuum Irnianik qanurlu naglikhaarniarnianik hugijaunngillunilu inirnikhanit, hivulliuqtinit minihittanit, ilihaijinilu maliganik. Tuqutauniaqhuni, kihimi pingahuni upluni makinniaqhuni tuqunirminit. 32Unipkaluqaqtillugu nipliqtailinngittuni hivunikhamik malirutiminut, Peterm ahivautijaa taniqtuliqhugu taimaa uqauhianut.
33Jesus qiviaqtuq malirutiminut aahiit taniqhugu Peter. “Qimagit uvamnit, Tupilak!” uqaqhuni. “Ihumannginnavit Godim ihumagijaanut, inuup ihumaatuinnaq.”
34Jesus tuqhulajuq inungnut ilauquplugit malirutiminut, uqaqhuni, “Kinaliqaak maligumaguminga, haattukhaujutit inminguurnirmingnit hanningajutini tigumiarlugu maliktakhaanga. 35Inuuhirnuinnaq pinahuaruvit, inuuhuirniaqtutit. Kihimi inuuhit tuniguviuk uvamnut, Tuharnaarnaqtunullu, annaumaniaqtutit. 36Humit pivaallirutiqarniaqqit nunarjuamik tunijauguvit kihimi inuujungnairlutit? 37Himmautikhaqaqqaa inuuhiit? 38Kinaliqaak kanguttautigiguminga uqauhitkalu upluni aallatuqpallaatillugit huinniqivallaarnirmilu, Irnia Inuum kannguginiaraallu utiqqat iharulgillu Angutim qaumaniani.”
Currently Selected:
Mark 8: AQ
Highlight
Copy
Compare
Share
Want to have your highlights saved across all your devices? Sign up or sign in
Canadian Bible Society
Learn More About Atuutit Qin'ngautillu
