Mark 7

Jesus uqautjiuq ilumuuqtumiq halumanirmik

1Phariseet ilihaijillu maliganik tikittut Jerusalemit takujaqtuqhugu Jesus. 2Takujun ilangit malirutait Jewmiut pitquhiatut algangmingnik uaqhijuittut niritinatik. 3(Jewt, kihimilluaq Phariseet, nirijuittut kuviraihimaittumik imarmik algangmingnut, pitquhituqaqmiktut. 4Taimaalu, nirijuittut niuvigamingnik algangmingnik uaqtinatik. Una atauhiq pitquhituqaq atuqhimmaaqtat—halummaqhivakhutiglu quviahutaujumi ingilrutinik qallutinik, imaqarvinik, uunnakhiiviniglu.)

5Phariseet ilihaijillu maliganik apirijaat, “Hungman malirutikpit atujuitait pitquhituqavut? Nirivaktut algaktik uaqhimaittumik.”

6Jesusim kiujait, “Ukpiruhunguaqtuhi! Isaiah nalauttijuq hivunikhaffingnik uqarami, imaa titiraqhimajuq,

‘Ukua inuit nakugigaluaqhunga qaningmikkut,

uummatait unngahiktut uvamnit.

7Angatjungnitit pitjutaunngittut,

uqautjivangmata angutip hanahimajainnik Godmit pihimajugiplugit.’

8Huginnginnavigit Godim pitquhiit inuit pitquhiit maligluaqhugit.”

9Uqautingmijait, “Ajunngittumik Godim pitquhiit ahiaguuqpaktuhi iliffi pitquhihi maligluaqhugit. 10Imaatut, Mosesiup tunihimajaa una maligaq Godmit: ‘Nanngarilugik apaapait amaamaillu,’ ‘Kinaliqaak uqammagigumigik apaapani amaamangminirluuniit tuqutaujukhaq.’ 11Ilvit uqaravit humaanngittuq inuit uqarumik angajuqqamingnut, ‘Mamiana ikajulimainnapkit. Uqariijaqhimagama tunihiniaqhunga Godmun tuniniaqtaraluamnik ilingnut.’ 12Hugittailiplugit ihariahuktunut angajuqqamingnut. 13Taimaa atunngittugu Godim uqauhia aturluaqhugit inmi pitquhitit. Una atauhiinnaq amihunit pilluaqpagahi.”

14Talvanga Jesusim tuqhulajait inuit naalagiaqtuquplugit, “Tamaffi naalagitti kangiqhianahuarluhi. 15Inuup hilataanit pijuq halumairutaunngittuq; halumairutaujut uummatingnit aniajut.”#7:15 Ingilraarnittat ilangit titiraqhimajut imaatut 16 Kinaliqaak hiutilik tuhaatjutikhanik naalaktukhaujut kangiqhialutiglu.

17Jesus iglumut itiqtuq inungnit qimagumapluni apirijaat malirutaita kangiqhiannginamitku unipkaarijaa. 18“Kangiqhianngitpilluu? Takugit, niqit halumairutaulimaittut timimut. 19Niqit uummatingnungajuittut, aniajut aqiarunit ingaluakkut,” Jesusim kiujait. (Imaatut uqaqhuni, takuhiurijuq niqit tamaita halumagijaujun Godmin.)

20Ilauqhugu uqaqtuq, “Inuup iluanit aniajut halumairutauvaktut. 21Ilumit, inuup uummataanit, piunngittut pivaktut ihumat, nuliarniq, kukingniq, inuarniq, 22aallaturniq, unimmaniq, tuquffinarniq, iquniq, tuharuminaittunik mitarinik, hingnaniq, uqamalungniq, anangainniq, tiitanganirlu. 23Hapkua tamaita piunngittut ilumit pijut; halumairutigijatit.”

Ukpiruhungnia Gentilemiutap Arnaup

24Jesus aullarami Galileemit hivumuujuq Tyremun. Ilihimajaujumanngittuq kitumi iglumiitaakhaminik, kihimi iiqhimannaittuq. 25Arnaq paniqaqtuq tuharami qainginaqtuq hitqurvigiplugu. Paninnuanga agiuqtuq, 26anirnirluk paniminit anititauquplugu.

Gentilemiutaugami, inuuhimapluni Syrian Phoeniciami, 27Jesusim uqautijaa, “Hivullirmik niqhiuqqarlugit nutaqqat—qatangutitka, Jewt. Ihuannginmat nutaqqat niqikhainnik niqhiuriami qinminut.”

28Arnaq uqallaktuq, “Itqumavutit, kihiani qinmiit ikpatip ataanit katagaqtunik nirivaktut, qitungait katagaqtainnik.”

29Arnaq uqautijaa, “Kiuttiaqtutit! Angilraulirit agiut anijuq paningnit.” 30Angilrarami takujaa panini nalajuq iglirmini, agiun tammarniqhuni.

Jesusip Nakuuhipkaktaa Angun Tuhaajuittuq

31Jesus aularmiuq Tyremit Sidonmut utiutinnani Tarjuanut Galileep nunanullu qulinut. 32Angun tuhaajuittuq uqqarluktuq qaritjaujuq tuniqhiut Jesusmut algaminut aktuquplugu nakuuhijangani.

33Jesusiup inuilrumungautijaa avaliingariaminik. Ilijait algangmi inugait hiutainnut. Aahiit, tivvuaqhugik inmi algangni, aktuqtaa angutip uqaa. 34Qilangmut arluqhuni, aniqhaaktuq uqallakhuni, “Ephphatha,” imaa tukilik, “Angmarit!” 35Hatjainnaq angut hiutjarikhiqpiaqtuq uqaalu qahunnami uqqarikhiplunilu!

36Jesusim uqautijait inuit uqautigitqunngittugu inungnut, kihimi uqautigaluaqhugit uqauhiriinnaraat. 37Arliguttakpiaqtut uqainnaliqhutik, “Hunaliqaak pijaa arlingnaqtuq. Tuhaajuittut tuhaapkaliqhugit uqajuittullu uqaqtaliqhutik.”

Currently Selected:

Mark 7: AQ

Highlight

Copy

Compare