Mark 5

Jesus Nakuuhipkaijuq Agiuqtumik

1Jesus maliktinilu tikittut tahiup akianut, Gerasenemiut nunaannut. 2Jesus atqarmat qajarmit, angun agiuktuq qaijuq iluviqarvingmit. 3Angun inuuvaktuq iluviqarvingmi ipiiqhimajaulimaikhunilu, ipiutaugaluanit. 4Ipiqtaugaluaraangami kikturautivaktuq ipiutaminik. Aallam inuum unanminngingmagu hakugingninga. 5Upluq unnugiarlu hanguvaktuq iluviqarvingmi qaqqanilu, qalruqhuni inminiglu kiliqtuqhuni ipiktunit ujaqqanit.

6Jesus ungahivjaktillugu angutip takujaa aqpalvigiplugu ukuvigijaa. 7Irialajuq, “Huuq inaviqivinga, Jesus, Irnia Kingitqijaujup Godim? Godim atiagut, tukhiaqtunga, naglikhaaktitailunga!” 8Jesus uqallariikhimangmat, “Aniguit angunmit, ilvit taaravit.”

9Jesusim apirijaa, “Kinauvit?”

Kiujaa, “Legionngujunga, amigainnapta uma angutip ilungani.” 10Uniqtujut tukhiaqqattaqtut agiuqtun Jesusmut aullaqtittaujumanngittutik ahinut.

11Uvinganirmi amihut tukturluit niriniaqtut. 12“Itiqtitigut tapkununga tukturlungnut,” huunngittut aghuqtut. “Itirvigitigit.”

13Jesusip angiqtait. Agiurutit anijut angunmit itiqhutik tukturlungnut aahiit tamaitaqpiaq 2000ngujun tukturluit qimmautariut kihingnirmit tahirmut

14Tukturlulirijit qimaajut igluqarvingmun maniqqamiujunullu tuhaqtittijaqtuqhutik. Inuillu takujaqtuijut qilamiuqtun. 15Inuit katittut Jesusmun, takuplugulu angun agiuqtuugaluaq. Ikhivajuq aanuraaqpiaqhimajuq ihumagikhipluni, iqhiuliqtut. 16Tapkua tautuktugaluit unniutjijut aallanik agiuqtuugaluamik tukturlungniglu. 17Inuit aullaquiliqpiaraat inngiqtuqhutik Jesus nunamingnit.

18Jesus umiarmut ikilitirmat, angut agiuktugaluap mallaujumaqpiaqtuq. 19Jesusip kihimi uqautijaa, “Imannaq, angilrauguit ilangnun uqautilugit qanuq Atan'ngum ikajurnianik ilingnik nagliguhukhunilu.” 20Talvanga angun aullaqtiqtuq pularniaqhuni qulinut igluqarvinut unniutjijaqtuqhuni Jesusim ikajurnianik; inuit arliguttakhutik tuhaajamingnik.

Jesus Nakuuhipkaijuq Ukpiruhuktunik

21Jesus umiarmut ikijuq utiqhuni tahiup akianut, inuit amihut katilvigijaat hinaani. 22Aturviup minihitauqataat, Jairus tikittuq. Takugamiuk Jesus, hiitqurvigijaa, 23tukhiqvigijaa. “Paninuara tuquliqtuq,” uqaqhuni. “Qaigiarin akturiaqturlugu; nakuuhipqarlugu inuujaangani.”

24Jesusim maliktaa, inuillu mallaujut, avaluplugu. 25Arnaqaqtuq aunaaqpaktumik 12ni ukiuni. 26Naglikhaktitaujuq taaktinin ukiunilu amihuni akiliqtuivakhuni, nakuuhihimaittumik. Ingattaqtiinnaqhuni. 27Tuhaqhimagamiuk Jesus, tunuanit inugiaktumi aktuqtaa aannuranga. 28Ihumagami inminut, “Aktuqtaarupku aannuranga, nakuuhiniaqtunga.” 29Tatjainaq aunaruiqtuq mihigimaliqhuni timinmini nakuuhinirminik.

30Jesus ilitturiinnaqtuq hakugiknini aningmata inminit, qiviaqhuni apiqhiuq, “Kia aktuqqauk aannuraara?”

31Malirutaita uqautijaat, “Takukkit inuit nimniuqtittijut ilingnik. Qanuq apiqhivit, ‘Kia aannuraara aktukpauk?’”

32Qiniqhimaaqtuq kinaungmangaat. 33Arnaq, hajulaqijuk ilihimalirami pijaunirminik, upautijuq hiitkuvigiplugu unniqhiurvigiliqhugu. 34Jesusim uqallautijaa, “Paniik, ukpirniviit nakuuhipkaktaatin. Ailirit aniguutigavit naglikhaarnirnit naammaglutinihumaaluguiglutin.”

35Uqaqvigitillugu, kivgat qaijut aimavianit Jairus, angaatjuvikpagjuam atan'ngujaa. Uqautijaat, “Paniit tuqujuq. Inaviqqihuirlugu ilihaiji.”

36Jesusim tuharamigit uqallaktuq Jairusmun, “Iqhiuruirlutin. Ukpiruhuglutin.”

37Jesusim inuit nutqaqtitait maliqujait kihimi Peter, James, Johnlu, aniqataa James. 38Atan'ngum igluanun tikinamik Jesus takujait uimajaaqtut, qiajut nipiqquqtujumik. 39Itiqtuq apiqhipluni, “Huuq uimmajaaqqihi qiavihi? Nutaraq tuqunngittuq, hinikaffuktuq.”

40Iglautigijaat. Tamaita Jesusim anipkaqtait. Nutaraup apaapaa amaamaalu pingahullu malirutini igluarmungautijait arnaruttip nalavianut. 41Algaa tigummiplugu uqallaktuq, “Talitha koum,” imaa tukilik “Arnaruhiq, makittit!” 4212nik ukiulik arnaruhiq nangippahainnaqtuq pihuliqhuni! Arliguttakpiaqhutik. 43Jesusium tiliuqtait uqauhiriqunngittugu niqhiuquplugulu.

Currently Selected:

Mark 5: AQ

Highlight

Copy

Compare