Loe 148
148
Lon laanka tán a Lawa gugurukɔ ǹ loe
1Aleluya, ka Dɛnaa Lawa tɔ bɔ!
Lon mànan lɛn, ka loe lɔ ka Dɛnaa Lawa tɔ bɔ.
Kasɛn mɛnɛn bɛ́ lon gɔ́ɔ̃ nɛ, ka loe lɔ ka a tɔ bɔ.
2Kasɛn mɛnɛn bɛ́ a lon a dia dí-a wolen lɛa, ka tumaa loe lɔ ka a tɔ bɔ.
Lon mànan lɛn dɔn, ka tumaa loe lɔ ka a tɔ bɔ.
3Wasa laanka mui, ka loe lɔ ka a tɔ bɔ.
Kasɛn leeren tɛ-pɛlen lɛn tumaa, ka loe lɔ ka a tɔ bɔ.
4Kasɛn mɛnɛn bɛ́ lon sɔɔsɔɔ, ka loe lɔ ka a tɔ bɔ.
Mun mɛnɛn bɛ́ labaran lalan, ka dɔn nə loe lɔ ka a tɔ bɔ.
5Ǹ tumaa loe lɔ ǹ Lawa tɔ bɔ,
a giala, Lawa na á ǹ zɛnaa, ka a boo dinsɔɔ̃ nɛ.
6A na á ǹ koa yǎa duduu.
Á landan koa ǹ la, bɛn ba n bɔyɛɛ wa.
7Tán mànan lɛn, ka loe lɔ, ka Dɛnaa Lawa tɔ bɔ.
Yìsi mu li ǹ màn baraan laanka mu nyankɔrɔ zuzulu mànan tumaa,
ka loe lɔ ka Dɛnaa Lawa tɔ bɔ.
8La a tɛ-pɛ laanka la gii ni, *mu nyuù-wɔle laanka burumu ni,
ka piɛ̃ gole kɛ nɛ a lɛ sii,
ka loe lɔ ka a tɔ bɔ.
9Kelen laanka tentenen tumaa,
da nɛ-kɔlen laanka da kakan tumaa,
ka loe lɔ ka a tɔ bɔ nɛ.
10Don mànan laanka tɔɔn tumaa,
bàanan nɛ, ka a nɔ̀ giɛɛraa tán wolen ne,
ka loe lɔ ka a tɔ bɔ nɛ.
11Kanaa a gánadɛnan laanka tɔrɔn tumaa,
kiin laanka kanaa a nyɛɛnaandɛnan tumaa nɛ,
ka loe lɔ ka a tɔ bɔ nɛ.
12Tɔntɔraan lɛn, kasɛn nɛnɛn lɛn dɔn,
min golen laanka nɛnyaanan nɛ,
ka loe lɔ ka a tɔ bɔ nɛ.
13Kasɛn tumaa loe lɔ ka Dɛnaa Lawa tɔ bɔ nɛ,
a giala, a dinsɔɔ̃ tɔ n gole.
A siĩnbaa kɛ tán laanka lon si, á n kɔ lɛ.
14Á wusoo á pàã kɔ a minin la,
Izirayeli nɛnyaanan lɛn,
bɛa tɔrɔ kɛ lɛ mɔrɛɛ nɛ a ganaa.
Bɛ lɛ nɛ, ǹ tumaa tá loe loe a tɔ boe ne.
Aleluya, ka Dɛnaa Lawa tɔ bɔ!
Currently Selected:
Loe 148: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
