Loe 149
149
Gɔ̀lɔ̀baa ǹ loe
1Aleluya, ka Dɛnaa Lawa tɔ bɔ!
Ka loe dii lɔ, ka Dɛnaa Lawa tɔ bɔ nɛ.
Ka a tɔ bɔ ǹ loe lɔ, a min sonbore zaman kɛ bii.
2Izirayeli minin, ka n nyɛnyɛɛ,
a din na á ka zɛnaa.
*Siɔn minin, ka baa zɔ́n lɛa,
a din lɛ n kaa kii lɛa.
3Ka bɛ̀ baa ka a guguru kɔ nɛ,
ka maà laanka tùtu dɛ, ka a gugurukɔ nɛ.
4A giala, Dɛnaa Lawa a minin lɛn sii tá kɔɔ̃n a ganaa.
A din nə gɔ̀lɔ̀baa ǹ gɛ̀lɛ koe din-gisiĩ wole la.
5Min sonboren lɛn, ka bɛ̀ baa ka Lawa guguru kɔ nɛ.
6Ka n lɛn saa lon, ka barka da Lawa nɛ,
gɔya sa lɛ paanan bɔle kɛ ń ka gɔn.
7Ka kaa gɛ̀ dòo bɔ tɔrɔn ganaa,
ka dɔlɔ bɔ tɔrɔ kɔsɔ minin kɛn ganaa.
8Ka ǹ gánadɛnan yii ka zɔrɔka nɛ,
ka ǹ kiin lɛn yii ka fɔlɔ biɛn nɛ.
9Dɔlɔ mɛn boo nə n kiɛ̃, ka bɛ lɛ bɔ ǹ ganaa.
Bɛ na a min sonboren lɛn tumaa a mìi saa lon sii lɛa.
Aleluya, ka Dɛnaa Lawa tɔ bɔ!
Currently Selected:
Loe 149: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
