Loe 146
146
Dɛnaa Lawa a dɔmalɛ wolebaa loe
1Aleluya, ka Dɛnaa Lawa tɔ bɔ!
Man die Dɛnaa Lawa tɔ boe, ka ma foo tumaa nɛ.
2Maa yiikoonaabaa tumaa gɔ́ɔ̃ nɛ, ma tá li ma Dɛnaa Lawa tɔ bɔ.
Bɛ̀ ma yii á koo, man die loe loe, ma maa Lawa tɔ bɔ nɛ.
3Ka baran n foo doa pàãdɛnan ganaa wa,
minbuiin nɛn manɛ, ǹ ba boe la ǹ ka kirisibaa wa.
4Ǹ fɔfoaã á re nyɛɛ, ǹ tá re wusii ǹ wo tii li.
Bɛa pinaa, ǹ sii mɛn tumaa koa ǹ yiri ni,
bɛ tumaa na á sàabaa.
5Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa,
min mɛn bɛ́ n foo doɛ a Dɛnaa Lawa kɛ ganaa,
bɛ wɔ na á bǐɛ̃ kɔ.
6 #
NDS 4.24; 14.15 Dɛnaa Lawa na á lon laanka tán zɛnaa,
kɔ̀ mu ni, ka mànan mɛnɛn tumaa bɛ́ li.
A n bɔlɔgoondɛnaa lɛa biikoo tumaa li.
7Ǹ bɛ́ boe min mɛn yii ni, a din nə sonbore koe bɛ la.
A din nə màn-bii koe bòonaan la.
A din nə kòso nɛn sii á ǹ kiɛ.
8Dɛnaa Lawa n yii tere-an yii buĩ.
A din nə talaa wolen kuĩ ǹ koɛ lon.
A n min peperen narɛ.
9A din nə gùlin tamaɛ.
A nə n doe nɛ toenən laanka giɔɔrɔn lɛ.
Sɛnɛ, a toɛ min baraan sii bǐɛ̃ kɔ wa.
10Dɛnaa *Lawa a kiibaa ba nyɛɛ wa.
*Siɔn kele minin lɛn, a n kaa Lawa lɛa yǎa duduu.
Aleluya, ka Dɛnaa Lawa tɔ bɔ! bb
Currently Selected:
Loe 146: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
